নেশ্যনেল ডেস্ক, 1 জানুৱাৰী: ডেটিং আজিকালি সচৰাচৰ সকলোৰে মুখত সততে থকা এটা শব্দ ৷ ভাল লগা জনৰ সৈতে কটোৱা নিৰিবিলি মূহুৰ্তত এজনে আনজনক জনাৰ যি প্ৰয়াস কৰে, সহজ অৰ্থত সেয়াই ডেটিং ৷ পিছে এই ডেটিং ফলপ্ৰসূ তেতিয়াহে হয়, যেতিয়া আপুনি নিজক ভাল পাবলৈ শিকে আৰু বৰ্তমানত জীৱনটো উপভোগ কৰিব জানে ৷
ডেটিঙৰ পৃথিৱীখন যিমান জটিল সিমানেই ৰসাল, দুঃসাহসিক আৰু Excited, সকলোৱে আপোচবিহীনভাৱে ডেটিং পিৰিয়ড উদযাপন কৰিব লাগে ৷ কিয়নো ৰিলেছনশ্বিপ এক্সপাৰ্ট শ্বাহজিন শিবদশানীয়েই কৈ থৈছে, "The secret to finding your mate is having healthy dating practices and not settling for less" ৷
দেখা গৈছে যে, 4/5 জনকৈ চিংগল ভাৰতীয় ডেটিঙৰ প্ৰতি আকৰ্ষিত হয় ৷ কিয়নো বৰ্তমান ম’বাইলতেই উপলব্ধ হৈছে বিভিন্ন ডেটিং এপ ৷ যদি আপুনি নতুন বৰ্ষটোত ডেটিঙৰ কথা ভাবিছে, তেন্তে কেইটামান কথা নিশ্চয় মনত ৰাখিব-
Date at your own pace : ডেটিং পিৰিয়ডৰ সময়চোৱাত সদায় এটা স্বাভাৱিক গতি বৰ্তাই ৰাখিব ৷ নতুন বছৰটোত আপুনি কাক কেনেদৰে বিচাৰে, সেইয়া সম্পূৰ্ণ আপোনাৰ সিদ্ধান্ত কিন্তু খুব দুৰন্ত গতি এটাত যিকোনো এটা সম্পৰ্ক লৈ আগনবঢ়াই ভাল ৷ সহজে মিলিব পৰা জনৰ লগতেই এনে আত্মীয়তা গঢ়ি তোলা উচিত ৷ সম্পৰ্ক এটাৰ পিছৰ পৰ্যায়লৈ যোৱাৰ পূৰ্বে ইজনে আনজনক জনাৰ প্ৰয়াস কৰক ৷
Say NO to Red flags : ৰোমাণ্টিক সম্পৰ্ক এটা আৰম্ভ কৰিবলৈ লোৱাৰ মূহুৰ্তত যদি আপুনি কিবা ৰেড চিগনেল পাই, তেন্তে সেইয়া ওফৰাই নেপেলাব ৷ নতুনত্বৰ উত্তেজনাত আপুনি কিছু কথা পাহৰিব খুজিব যদিও নিজৰ পঞ্চ ইন্দ্ৰিয়ই দিয়া সংকেত কেতিয়াও উপেক্ষা নকৰিব ৷ যিমান সোনকালে বুজি পাই, সিমান সোনকালেই আতৰিবলৈ সুবিধা হ’ব আপোনাৰ ৷
Do not go back to your ex : পিছলৈ ঘূৰি নেচায় আগলৈ আগবাঢ়ি যোৱাই হৈছে ডেটিং ৰ মূল বিষয় ৷ ব্ৰেকআপৰ পিছত প্ৰাক্তন প্ৰেমিক প্ৰেমিকাক মনত পেলোৱাতো স্বাভাৱিক কথা , কিন্ত অনবৰতে Ex ৰ কথা ভাবি থাকিলে আপুনি আপোনাৰ বৰ্তমানক উপভোগ কৰিব কেনেকৈ! অকস্মাতে কাৰোবাক পাহৰি পেলাব পৰাকৈ আমাৰ কাৰো হাতত কোনো ফৰ্মূলা নাই কিন্তু কিছুমান সৰু সৰু অভ্যাসেৰে আমি সকলোৱে নিজক ব্যস্ত ৰাখি পুৰণা স্মৃতিৰ পৰা আঁতৰি থাকিব পাৰো ৷ বন্ধুত্বসুলভ আচৰেণেৰে নতুন সংযোগো স্থাপনৰ দিশে আগবাঢ়িব পাৰি ৷
Be your authentic self : প্ৰকৃতাৰ্থত আপুনি কোন সেইয়া আপোনাৰ কথা বাৰ্তাৰ পৰা স্পষ্ট কৰক ৷ প্ৰতিজন মানুহেই নিজৰ ওচৰত সঁচা, কিন্তু বিশেষজনৰ আগত নিজৰ প্ৰকৃত স্বৰূপ উদঙাই দি তেওঁক আপোন কৰি ল’ব পৰাৰ লগতে তেওঁৰো আপোন হ’ব পৰাটোহে আপোনাৰ কৰণীয় ডেটিংৰ সময়ছোৱাত ৷ প্ৰকৃত ব্যক্তিত্বৰে পৰিচয় লাভ কৰি যি আপোনাৰ কাষলৈ আহিব নতুবা প্ৰকৃত ব্যক্তিত্বৰ সৈতে আপুনি যাক আকোঁৱালি ল’ব তেনে সম্পৰ্কত দুনাই আৰু অন্য উপায়েৰে ইজনে আনজনক প্ৰভাৱিত কৰাৰ অৱকাশ নাথাকে ৷
Make the first move : আমি কি বিচাৰো তাক খেলিমেলি নলগাকৈ বিনাদ্বিধাৰে আনৰ আগত প্ৰকাশ কৰিব পৰাটোৱেই জীৱনৰ আগতকৈ ডাঙৰ প্ৰাপ্তি ৷ তেন্তে কাৰোবাক ভাল লগাৰ ক্ষেত্ৰত মনৰ কথা প্ৰকাশ নকৰাৰ যুক্তি ক’ত! কাৰোবাৰ উপস্থিতিয়ে যদি আপোনাৰ মনক উদ্ভাসিত কৰিছে সেইয়া প্ৰকাশ কৰক, ই আপোনাৰ আত্মবিশ্বাস বৃদ্ধিতো সহায়ক হ’ব ৷ লিংগ সমতাৰ কথা কৈ থকা সকলৰ কিছুমানেও কিন্তু প্ৰেম ভালপোৱাৰ ক্ষেত্ৰত সদায় পুৰুষৰ ভূমিকাক মুখ্য হিচাপে গণ্য কৰিব বিচাৰে ৷ ই একেবাৰে ভূল ধাৰণা ৷ মানুহ আৱেগপ্ৰবণ সেইয়া লাগিলে পুৰুষেই হওঁক বা নাৰীয়েই হওঁক ৷ সেয়ে বিপৰীত পক্ষলৈ বাট নেচায় নিজৰ মনত জাগৃত হোৱা ভাবানুভূতি মুকলিকৈ প্ৰকাশ কৰক ৷
ৰিলেছনশ্বিপ এক্সপাৰ্ট শিবদশানীয়ে সঠিকভাৱে যাতে আপুনি সংগীৰ সৈতে মিলিব পাৰে তাৰ বাবে কিছুমান পৰামৰ্শ আগবঢ়াইছে -
Know when the other person may be active : কথাৰ মাজেৰে জানিবলৈ চেষ্টা কৰক আপোনাৰ মনত প্ৰভাৱ পেলোৱা ব্যক্তি গৰাকী দিনটোৰ কোনখিনি সময়ত Social Media ত এক্টিভ থাকে ৷ সময় উলিয়াই প্ৰায়ে তেওঁক এটা মেছেজ কৰক ৷ চাব যাতে আপুনি তেওঁৰ পৰা সঁহাৰি পোৱাৰ সময়তহে মেছেজটো কৰিছে ৷ দিনটোৰ ব্যস্ততাৰ পৰা আঁতৰি নিশা টোপনি মৰাৰ আগত প্ৰায় সকলোৱে 7 বজাৰ পৰা 10 বজালৈকে অনলাইন থাকে ৷
Use emojis : প্ৰেমেই হওক বা ঘৃণাই হওক এইবোৰ প্ৰকাশ কৰিবলৈ আজিকালি Emoji খুবেই জনপ্ৰিয় মেছেজৰ মাজত ৷ নিজৰ ভাল লগা জনলৈ সৰু বাৰ্তাৰ মাজতে পঠাওক এটা বা এটাতকৈ অধিক Emoji যিবোৰে আপোনাৰ মনৰ ভাৱ প্ৰকাশত সহায় কৰে ৷
Have a strong profile : ডেটিং এপত নিজৰ প্ৰফাইল কেতিয়াও খালীকৈ নাৰাখিব ৷ নিজকে প্ৰকাশ কৰাৰ ই এক সুবৰ্ণ সুযোগ ৷ অলপ আচৰিত, ধেমেলিয়া আৰু কৌতুকপূৰ্ণ প্ৰফাইল সকলোৱে চাই ভাল পাই ৷ এটা ধনাত্মক এটিটিউডে সকলোকে আকৰ্ষণ কৰে ৷ কেইটামান আকৰ্ষণীয় আৰু হাস্যকৰ প্ৰশ্নৰে নিজৰ প্ৰফাইলটো সুন্দৰকৈ সজাই ৰাখিব যাতে আপোনাৰ প্ৰশ্ন দেখি উত্তৰ দিবলৈ নিজেই উৎসুক হৈ পৰে বিশেষ কোনোবা ৷
Demonstrate your unique and genuine self : প্ৰত্যেকেই এই পৃথিৱীত অদ্বিতীয় ৷ ইয়ে সকলোকে পৃথক কৰি তোলে ৷ সাম্ভাব্য যিসকলৰ লগত আপোনাৰ কিছু আৱেগৰ হিচাপ, মন, ভাল বেয়া আদি মিলিছে তেওঁলোকৰ আগত মুকলিমুৰীয়া হৈ থাকক ৷ আজিকালি বহু মানুহে বাহিৰলৈ গৈ ভাল পায় ৷ নিজকে Explore কৰি ভাল পায় ৷ Adventure, travelling আৰু physically activity আজিকালি খুবেই চৰ্চিত ৷
- আপুনি যদি খানা ৰান্ধি ভাল পায় আপোনাৰ প্ৰিয় খাদ্য কি?
- আপুনি টিভিত উপভোগ কৰি থকা শ্ব’ কোনটো?
- Saturday Night ত কি কি অন্তৰ্ভূক্ত হয় আপোনাৰ বাবে?
লগতে পঢ়ক: কেনেকৈ মেকআপ আঁতৰালে ভালে থাকিব আপোনাৰ ছাল ?
