চিৰা প্ৰত্যেকগৰাকী ভাৰতীয় গৃহত আটাইতকৈ বেছি ব্যৱহাৰ কৰা তথা গ্ৰহণ কৰা খাদ্য, যিটো কেৱল লঘু হোৱাই নহয় বৰঞ্চ ই অতি স্বাস্থ্যকৰো । ইয়াক গ্ৰহণ কৰিলে পেটটো বহু সময়লৈকে ভৰি থাকে আৰু গেছ, এচিডিটি, বদহজম আদি সমস্যাবোৰো দূৰ হয় । পুৱা ব্ৰেকফাষ্টৰ উপৰিও সন্ধিয়াৰ স্নেক হিচাপেও এই খাদ্য আপুনি গ্ৰহণ কৰিব পাৰে । সেয়ে ইয়াৰ পৰা তৈয়াৰী এনে দুবিধ সুস্বাদু ৰেচিপিৰ বিষয়ে জানি লওক-
চিৰাৰ বড়
সন্ধিয়াৰ চাহৰ লগত মচমচীয়া কিবা এটা খাবলৈ মন যায়, কিন্তু বিস্কুট বা চিঙৰা খাব মন নগ’লে এই পদ্ধতিৰে চিৰাৰে তৈয়াৰী বড় এবাৰ খাই চাওক-
এনেদৰে কৰক তৈয়াৰ
- ২ কাপ চিৰা ধুই পানীখিনি সম্পূৰ্ণকৈ চেকি লওক । ১ কাপ মগু দালি গৰম পানীত ৩০ মিনিটমান তিয়াই থওক । ১ চামুচ কটা সেউজীয়া জলকীয়া আৰু অলপ আদা দি পানী নিদিয়াকৈ আটাইখিনি সামগ্ৰীৰ মোটা পেষ্ট তৈয়াৰ কৰি লওক ।
- এটা বাটিত উলিয়াই ২ চামুচ নেমুৰ ৰস, ১ চামুচ মিহিকৈ কটা ধনীয়া, আধা কাপ কটা কচু আৰু নিমখ দিব । ইয়াক বড়ৰ আকৃতি দিয়ক ।
- কেৰাহীত তেল গৰম কৰি বড়বোৰ সোণালী হোৱালৈকে ভাজি লওক ।
- চাহৰ লগত পৰিবেশন কৰক ।
চিৰা কাটলেটছ
চিৰা কাটলেটো এটি সোৱাদযুক্ত খাদ্য যিটো সোনকালে প্ৰস্তুত কৰিব পৰা যায়, যিটো আপুনি চাহৰ সৈতে পৰিবেশন কৰিব পাৰে ।
এইদৰে কৰক তৈয়াৰ
- ১ কাপ চিৰাৰ পৰা গুড়ি তৈয়াৰ কৰি লওক
- এটা বাটিত আধা চামুচ নেমুৰ ৰস, ১ কাপ সিজোৱা আৰু গুড়ি কৰা আলু, ১/২ চামুচ সেউজীয়া জলকীয়া, জিৰাৰ গুড়ি, নিমখ আৰু ১/২ কাপ কটা ধনীয়া মিহলাই লওক । এতিয়া সমান আকাৰৰ বল বনাওক ।
- এটা সুকীয়া বাটিত ১/২ কাপ আটা পানীৰ লগত মিহলাই ডাঠ পেষ্ট বনাওক । প্ৰথমে আটাৰ মিশ্ৰণটোত বলবোৰ ডুবাই লওক, তাৰ পিছত চিৰাৰ গুড়িখিনিত ভালদৰে কোট কৰক । চিৰাৰ পাউদাৰৰ সলনি ব্ৰেড ক্ৰামছো ব্যৱহাৰ কৰিব পাৰে ।
- সোণালী হোৱালৈকে ডিপ ফ্ৰাই কৰি লওক । প্ৰিয় চাটনিৰ সৈতে গৰমা গৰমে পৰিৱেশন কৰক ।
লগতে পঢ়ক: World Spine Day 2023: সঠিক যত্ন লওক মেৰুদণ্ডৰ; অন্যথা ভৱিষ্যতে হ’ব পাৰে এই সমস্যা
