বৰ্তমান ৰাজ্যত ভয়াৱহ হাৰত বৃদ্ধি পাইছে জাপানীজ এনকেফেলাইটিছ সংক্ৰমণ । এপ্ৰিল মাহৰ পৰা বৰ্তমান সময়লৈকে গুৱাহাটী চিকিৎসা মহাবিদ্যালয়ত ২১ জন জাপানীজ এনকেফেলাইটিছত আক্রান্তৰোগীক ভৰ্ত্তি কৰা হৈছে । তাৰ ভিতৰত ১৪ জন ৰোগী বৰ্তমানো ভৰ্তি হৈ আছে । আনহাতে ৪ জন ৰোগীৰ মৃত্যু হৈছে । কেৱল গুৱাহাটী চিকিৎসা মহাবিদ্যালয়ে নহয় বৰ্তমান সময়ত ৰাজ্যৰ প্ৰতিখন হাস্পাতালত জাপানীজ এনকেফেলাইটিছত আক্রান্তৰ ৰোগীৰ সংখ্যা বৃদ্ধি পোৱা দেখা গৈছে ।
জাপানীজ এনকেফেলাইটিছ ৰোগৰ সংক্ৰমণ কেনেকৈ হয় ?
জাপানীজ এনকেফেলাইটিছ হৈছে মহৰ দ্বাৰা সংক্ৰমিত হোৱা ৰোগ । কিউলেক্স নামৰ এবিধ মহৰ দ্বাৰা এই ৰোগৰ সংক্ৰমণ হয় । জাপানীজ এনকেফেলাইটিছ ৰোগৰ ভাইৰাছ সাধাৰণতে গাহৰি ,বগলী বিশেষকৈ কণামুচৰি চৰাইৰ দেহত এই প্ৰজাতিৰ মহে কামুৰি মানুহক কামুৰিলে এই ভাইৰাছৰ সংক্ৰমণ হয় । এই ৰোগ এজন মানুহৰ দেহত মহে কামোৰিলে আন এজন সেই মহে আকৌ আন এজন মানুহৰ দেহত কামুৰিলে এই ৰোগ নিবিয়পে । এই ৰোগৰ প্ৰধান লক্ষণ হৈছে অত্যন্ত জ্বৰ হয়, মিৰ্গীৰ ৰোগীৰ দৰে মূৰ্ছা যোৱা, ডিঙি টানি ধৰা, মানসিকস্থিতি সলনি হোৱা এই ৰোগৰ লক্ষণ । এই ৰোগৰ ভাইৰাছে ৰোগীৰ মগজুত আক্ৰমণ কৰে বাবে ইয়াক মগজুত হোৱা জ্বৰ বুলিও কোৱা হয় ।
এইৰোগৰ পৰা পৰিত্ৰাণৰ উপায় কি ?
১) এইৰোগৰ পৰা বচাবলৈ হলে ঘৰৰ ওচৰত পানী জমা হব দিব নালাগে । সেই পানীত মহে কণী পাৰিলে এই মহৰ বংশবৃদ্ধি হয় ।
২) ৰাতি শোৱাৰ সময়ত আঠুৱা ব্যৱহাৰ কৰিব লাগে ।
৩) সন্ধিয়া সময়ত ঘৰত ধূনা দিব লাগে ।
আনহাতে এই ৰোগ হ’লে ৰোগীগৰাকীক ওচৰৰ চিকিৎসালয়ত চিকিৎসাৰ বাবে ভৰ্তি কৰাব লাগে ।
