কনজাংকটিভাইটিছ অৰ্থাৎ আই ফ্লু বাৰিষাকালত হোৱা এটি সাধাৰণ ৰোগ । যাৰ বাবে চকু দুটা ৰঙা হৈ পৰে । ইয়াৰ বাহিৰেও চকুত খজুৱতি আৰু পানী ওলোৱাৰ সমস্যা দেখা যায় । চকুত কেটেৰেক জমা হোৱাৰ বাবে ৰাতিপুৱা চকু মেলিবলৈ অসুবিধা হয় । এনে অৱস্থাত চকু ফুলি উঠা যেন লাগে আৰু ব্যক্তিজনে বেছি পোহৰত যাবলৈ অসুবিধা পায় ।
খাদ্য আৰু জীৱনশৈলীৰ পৰিৱৰ্তন কৰি চকুৰ যত্ন ল’ব পাৰে । এনে পৰিস্থিতিত আমি আপোনালোকক ক’বলৈ ওলাইছো, সেই সামগ্ৰীসমূহৰ বিষয়ে যিবোৰে আপোনাৰ চকুৰ পক্ষে বাবে একেবাৰেই উপযুক্ত নহয় ।
ব্ৰেড আৰু পাস্তা
গৱেষণাৰ মতে, পাওৰুটি আৰু পাস্তাত পোৱা কাৰ্বহাইড্ৰেটে বয়সৰ লগত জড়িত মেকুলাৰ ডিজেনেৰেচনৰ সম্ভাৱনা বৃদ্ধি কৰে, যাৰ ফলত বয়সস্থ লোকৰ চকুৰ সমস্যা হ’ব পাৰে । আচলতে আপোনাৰ শৰীৰে এই ধৰণৰ কাৰ্ব অধিক সোনকালে হজম কৰে । যাৰ বাবে ৰক্তশৰ্কৰাৰ মাত্ৰা বৃদ্ধি পায়, যাৰ বাবে চকুৰ লগত জড়িত সমস্যাও হ’ব পাৰে ।
চেচুৰেটেড আৰু ট্ৰেন্স ফেট
স্বাস্থ্য বিশেষজ্ঞসকলৰ মতে যিবোৰ খাদ্যত হাইড্ৰ’জেনেটেড অইল আৰু ট্ৰেন্স ফেট থাকে সেইবোৰৰ পৰা আঁতৰি থাকিব লাগে । ট্ৰেন্স ফেটে আমাৰ তেজত কলেষ্টেৰলৰ মাত্ৰা বৃদ্ধি কৰে । কলেষ্টেৰলৰ মাত্ৰা বৃদ্ধি হ’লে ধমনী বন্ধ হৈ যাব পাৰে, হাৰ্ট এটেক, ষ্ট্ৰোক আনকি দৃষ্টিশক্তিও হেৰুৱাবলগীয়া হ’ব পাৰে ।
ছডিয়াম
যিবোৰ খাদ্যত নিমখ বেছি থাকে, ইয়াৰ ফলত বি পি বেছি হোৱাৰ সমস্যা হয় । সময়ৰ লগে লগে উচ্চ বিপিয়ে চকুৰ সমস্যাৰ সৃষ্টি কৰে, যেনে ৰক্তবাহী নলীৰ ক্ষতি, ৰেটিনাৰ তলত তৰল পদাৰ্থ জমা হোৱা, তেজৰ সোঁত বন্ধ হৈ স্নায়ুক নিধন কৰে । এই সকলোবোৰ সমস্যাৰ ফলত দৃষ্টিশক্তি কম হোৱাৰ লগতে দৃষ্টিশক্তি হেৰুৱাবও পাৰে ।
প্ৰচেছড মাংস
প্ৰচেছড মাংসত ছডিয়ামৰ পৰিমাণ বেছি । অতিৰিক্ত পৰিমাণৰ নিমখৰ ফলত শৰীৰত বি পি বেছি হ’ব পাৰে । ইয়াৰ ফলত হৃদযন্ত্ৰৰ সমস্যাকে ধৰি চকুৰ সমস্যাও হ’ব পাৰে ।
সুৰা
কেৱল খাদ্য সামগ্ৰীয়েই নহয়, সুৰাও এনেকুৱা বস্তু যিটো আপোনাৰ চকুৰ স্বাস্থ্যৰ বাবে ভাল নহয় । কম বয়সতে অত্যধিক মদ্যপান কৰিলে চকুৰ ছানি পৰা ৰোগ হ’ব পাৰে, যিটো সাধাৰণ অৱস্থা যাৰ ফলত চকুৰ লেন্সত বগা চামনি পৰে ।
