গৱেষকসকলে এক গৱেষণাৰ জৰিয়তে পোহৰলৈ আনিছে যে সোনকালে খাদ্য গ্ৰহণ কৰিলে হৃদৰোগৰ সম্ভাৱনা হ্ৰাস পাব পাৰে ৷ নেচাৰ কমিউনিকেচনছ আলোচনীত প্ৰকাশিত এক অধ্যয়নত গৱেষকসকলে নিউট্ৰিনেট-ছাণ্টে গোটৰ ১,০৩,৩৮৯ জন অংশগ্ৰহণকাৰীৰ তথ্য ব্যৱহাৰ কৰি খাদ্য গ্ৰহণৰ ধৰণ আৰু হৃদৰোগৰ মাজৰ সম্পৰ্ক অধ্যয়ন কৰিছিল ৷ ইয়াৰে ৭৯ শতাংশ মহিলা, যাৰ গড় বয়স আছিল ৪২ বছৰ ৷
সম্ভাব্য পক্ষপাতিত্বৰ আশংকা হ্ৰাস কৰিবলৈ গৱেষকসকলে বহু সংখ্যক বিভ্ৰান্তিকৰ কাৰক, বিশেষকৈ সামাজিক-জনগাঁথনিগত কাৰক (বয়স, লিংগ, পৰিয়ালৰ অৱস্থা আদি), খাদ্যৰ পুষ্টিৰ মানদণ্ড, জীৱনশৈলী আৰু টোপনিৰ চক্ৰৰ প্ৰতি লক্ষ্য ৰাখিছিল ৷ এই তথ্যত দেখা গৈছে যে ব্ৰেকফাষ্ট এৰি দিনটোৰ শেষৰ ফালে প্ৰথম আহাৰ খোৱাৰ ফলত হৃদৰোগৰ সম্ভাৱনা অধিক বৃদ্ধি পায়, প্ৰতি ঘণ্টাৰ পলম হোৱাৰ ফলত ৬ শতাংশ আশংকা বৃদ্ধি পায় ৷
অধ্যয়নটোত কোৱা হৈছে যে, “উদাহৰণস্বৰূপে, পুৱা ৯ বজাত প্ৰথম আহাৰ গ্ৰহণ কৰা ব্যক্তিৰ হৃদৰোগৰ সম্ভাৱনা ৬ শতাংশ বেছি ৷” “যেতিয়া নিশাৰ আহাৰ গ্ৰহণৰ কথা আহে তেন্তে নিশা ৮ বজাৰ আগৰ খাদ্য খোৱাৰ তুলনাত নিশা ৯ বজাৰ পিছত খাদ্য গ্ৰহণ কৰিলে বিশেষকৈ মহিলাৰ ক্ষেত্ৰত ষ্ট্ৰোকৰ দৰে মস্তিষ্কৰ ৰক্তবাহী ৰোগ হোৱাৰ সম্ভাৱনা ২৮ শতাংশ বৃদ্ধি পায় ৷”
ইয়াৰ উপৰিও গৱেষকসকলে দেখিলে যে দিনটোৰ শেষৰ আহাৰ আৰু পিছদিনাৰ প্ৰথম আহাৰ গ্ৰহণৰ মাজত নিশাৰ উপবাসৰ সময় দীঘলীয়া হ’লে মস্তিষ্কৰ ৰক্তবাহী নলীৰ ৰোগৰ সম্ভাৱনা কম ৷ ইয়াৰ ফলত মগজুৱে দিনটোৰ প্ৰথম আহাৰ আৰু শেষৰ আহাৰ সময়মতে গ্ৰহণ কৰাৰ ইচ্ছা প্ৰকাশ কৰে ৷ গ্ল’বেল বাৰ্ডেন অৱ ডিজিজৰ অধ্যয়ন অনুসৰি বিশ্বৰ ভিতৰতে হৃদৰোগ হৈছে মৃত্যুৰ প্ৰধান কাৰণ ৷ ২০১৯ চনত বাৰ্ষিক ১ কোটি ৮৬ লাখ লোকৰ মৃত্যু হৈছিল, ইয়াৰে প্ৰায় ৭.৯ জনৰ খাদ্যাভ্যাসৰ বাবে মৃত্যু হৈছিল ৷
অৰ্থাৎ এই ৰোগসমূহৰ বিকাশ আৰু অগ্ৰগতিৰ ক্ষেত্ৰত খাদ্যই মুখ্য ভূমিকা পালন কৰে বুলি গৱেষকসকলে কয় ৷ পাশ্চাত্য সমাজৰ আধুনিক জীৱনশৈলীয়ে নিৰ্দিষ্ট খাদ্যাভ্যাসৰ জন্ম দিছে, যেনে নিশাৰ আহাৰ পলমকৈ খোৱা বা ব্ৰেকফাষ্ট এৰি দিয়া ৷
ইয়াৰ উপৰিও গৱেষকসকলে মত প্ৰকাশ কৰিছে যে দীৰ্ঘসময়লৈকে নিশা উপবাস থকাৰ লগতে প্ৰথম আৰু শেষৰ আহাৰ সোনকালে খোৱাৰ অভ্যাস গ্ৰহণ কৰিলে হৃদৰোগৰ সম্ভাৱনা ৰোধ কৰাত সহায়ক হ’ব পাৰে ৷
লগতে পঢ়ক: আপুনিও এই খাদ্য খোৱাৰ পিছত অত্যধিক পানী গ্ৰহণ কৰে নেকি ? লোকচান জানি হৈ পৰিব আচৰিত
