অধিকাংশ লোকেই দিনটোৰ আৰম্ভণি একাপ কফিৰ সৈতে কৰে ৷ ই আপোনাক শক্তিশালী কৰি ৰখাৰ কাম কৰে ৷ কিন্তু আপুনি জানেনে যে আপোনাৰ ছালৰ যত্নৰ ৰুটিনত কফিও অন্তৰ্ভুক্ত কৰিব পাৰে ? কফিয়ে আপোনাৰ ছালত জমা হোৱা মলি আঁতৰোৱাত সহায় কৰিব ৷ কফিয়ে মৃত কোষবোৰ আঁতৰাই পেলায় ৷ ছালৰ বাবে কফি বহু ধৰণে ব্যৱহাৰ কৰিব পাৰে ৷
যদি পাৰ্লাৰলৈ যাবলৈ সময় নাই, তেন্তে ঘৰতে এই পদ্ধতিৰে কফিৰ সৈতে ফেচিয়েলো কৰিব পাৰে ৷ ইয়াৰ বাবে আপোনাৰ বিশেষ খৰচ নহ’ব ৷ এই প্ৰতিবেদনৰ জৰিয়তে কেনেকৈ ঘৰতে সহজে কফি ফেচিয়েল কৰিব পাৰি ষ্টেপ বাই ষ্টেপ পদ্ধতি জানো আহক-
কফি ফেচিয়েল– ষ্টেপ – ১
কফি ফেচিয়েল বনাবলৈ এটা বাটিত ২ চামুচ কেঁচা গাখীৰ লওক ৷ তাত এচামুচ কফি পাউদাৰ মিহলাই লওক ৷ এতিয়া এই মিশ্ৰণটো মুখত লগাব ৷ ইয়াৰ দ্বাৰা ছালখন কিছু সময়ৰ বাবে আঙুলিৰে মালিচ কৰক ৷ এতিয়া কফি আৰু কেঁচা গাখীৰৰ মিশ্ৰণটো সাধাৰণ পানীৰে ধুই লওক ৷
স্ক্ৰাবিং– পদ্ধতি– ২
ছালখন স্ক্রাব কৰিবলৈ এটা বাটিত এক চামুচ কফি পাউদাৰ খাব লাগে ৷ তাত অলপ চেনি দিব ৷ তাত অলপ নাৰিকল তেল দিব ৷ এতিয়া এই স্ক্রাবেৰে মুখ আৰু ডিঙিত মালিচ কৰক ৷ এই স্ক্ৰাবেৰে অন্ততঃ ৩ৰ পৰা ৪ মিনিট মালিচ কৰক ৷ এনেদৰে ছালত ১৫ মিনিট ৰাখিব ৷ ইয়াৰ পিছত সাধাৰণ পানীৰে ছালখন পৰিষ্কাৰ কৰক ৷ ইয়াৰ ফলত ছালত জমা হোৱা মলি আঁতৰি যাব ৷
মুখখন ভাপত দিয়ক– পদ্ধতি– ৩
মুখত ভাপ দিবলৈ এটা ডাঙৰ বাটিত পানী লওক ৷ এই পানী ভালদৰে উতলাই লওক ৷ এতিয়া মুখখন টাৱেলেৰে ঢাকি কমেও ১০ মিনিট ভাপ লওক ৷ ইয়াৰ দ্বাৰা আপুনি ক’লা দাগ আৰু বগা দাগৰ সমস্যাৰ পৰা মুক্তি পায় ৷
ফেচ পেক– পদ্ধতি– ৪
কফি ফেচ পেক ব্যৱহাৰ কৰিব পাৰে ৷ ইয়াৰ বাবে এটা বাটিত এক চামুচ কফি পাউদাৰ লওক ৷ তাত কিছু দৈ দিব ৷ এই দুটা বস্তু মিহলাই কিছু সময় মুখ আৰু ডিঙিত থৈ দিব ৷ কফি পেকটো মুখ আৰু ডিঙিত ১০ মিনিট ৰাখিব ৷ এতিয়া কফিৰ পেকটো ছালৰ পৰা আঁতৰাই পেলাওক ৷
মালিচ– পদ্ধতি– ৫
শেষত ছালখন মালিচ কৰক ৷ ইয়াৰ বাবে ২ চামুচ এলোভেৰাত এক চামুচ কফি পাউদাৰ মিহলাই লওক ৷ এতিয়া এই পেকটো কিছু সময়ৰ বাবে ছালত থৈ দিব ৷ এলোভেৰা আৰু কফিৰ পেকটো এনেদৰে ২০ মিনিট ৰাখিব ৷ এতিয়া তিতা টাৱেলেৰে আঁতৰাই পেলাওক ৷
লগতে পঢ়ক: Krishna Janmashtami 2023: সমগ্ৰ দেশতে বিখ্যাত শ্ৰীকৃষ্ণৰ এইসমূহ মন্দিৰ; এবাৰ হ’লেও নিশ্চয় ভ্ৰমণ কৰক
