ব্ৰেকফাষ্ট হৈছে দিনটোৰ প্ৰথম আহাৰ যিয়ে আমাৰ শৰীৰক গোটেই দিনটো শক্তি প্ৰদান কৰাত সহায় কৰে ৷ এনে পৰিস্থিতিত সঠিক সময়ত ব্ৰেকফাষ্ট কৰাটো অতি প্ৰয়োজনীয় ৷ আনহাতে আমি ব্ৰেকফাষ্ট এৰি দিলে আমাৰ শৰীৰে শক্তিৰ অভাৱৰ সৈতে যুঁজি থাকে, যাৰ ফলত ভাগৰুৱা, দুৰ্বলতা আৰু মনোনিৱেশ কৰাত অসুবিধাৰ দৰে সমস্যাৰ সৃষ্টি হ’ব পাৰে ৷ ইয়াৰ বাহিৰেও ব্ৰেকফাষ্ট নকৰিলে আমাৰ শৰীৰৰ ৰোগ প্ৰতিৰোধ ক্ষমতা দুৰ্বল হৈ পৰে, যাৰ ফলত সংক্ৰমণৰ সম্ভাৱনা বৃদ্ধি পায় ৷ সেয়েহে আমি প্ৰতিদিনে ব্ৰেকফাষ্ট কৰাটো জৰুৰী ৷
পুৱা সাৰ পোৱাৰ পিছত সঠিক সময়ত ব্ৰেকফাষ্ট গ্ৰহণ কৰিলে শৰীৰৰ বহু সমস্যা দূৰ হয় ৷ সঠিক সময়ত ব্ৰেকফাষ্ট কৰাটো আপোনাৰ স্বাস্থ্য আৰু সুষম জীৱনশৈলীৰ বাবে অতি গুৰুত্বপূৰ্ণ ৷ যদি আপুনি সঠিক সময়ত ব্ৰেকফাষ্ট গ্ৰহণ নকৰে তেন্তে আপোনাৰ ভোক বৃদ্ধি পাব পাৰে আৰু তাৰ পিছত পিছত আপুনি অধিক খাদ্য খাবলৈ আৰম্ভ কৰে ৷ ইয়াৰ ফলত আপোনাৰ ওজন বৃদ্ধিৰ সম্ভাৱনাও বৃদ্ধি পায় ৷
ব্ৰেকফাষ্ট কৰিবলৈ উপযুক্ত সময় কি ?
বিজ্ঞানীসকলৰ মতে, পুৱা ৭ বজাৰ পৰা ৮ বজাৰ ভিতৰত ব্ৰেকফাষ্ট কৰাটোৱেই উত্তম ৷ যদি এই সময়ত ব্ৰেকফাষ্ট কৰিব পৰা নাই, তেন্তে যিকোনো ক্ষেত্ৰতে ৰাতিপুৱা ১০ বজাৰ আগতে ব্ৰেকফাষ্ট কৰক ৷ কিন্তু পলমকৈ সাৰ পালে সাৰ পোৱাৰ এঘণ্টাৰ ভিতৰতে ব্ৰেকফাষ্ট কৰাটো ভাল ৷ কাৰণ ৰাতিটোৰ উপবাসৰ পিছত আমাৰ শৰীৰক শক্তিৰ প্ৰয়োজন হয় ৷ আমাৰ শৰীৰত গ্লুক’জৰ মাত্ৰা সাধাৰণতে ৰাতিপুৱা কম হয় ৷ ব্ৰেকফাষ্ট কৰিলে আমাৰ শৰীৰত শক্তি পোৱা যায় আৰু আমাৰ পাচনতন্ত্ৰইও সঠিকভাৱে কাম কৰে ৷
স্বাস্থ্যকৰ ব্ৰেকফাষ্ট বিকল্প
ব্ৰেকফাষ্টত ফলমূল, শাক-পাচলি আৰু শস্যজাতীয় খাদ্য সেৱন কৰিলে শৰীৰত আঁহ পোৱা যায়, যিটো হজম শক্তিৰ বাবে উপকাৰী ৷ বিভিন্ন ধৰণৰ ফল-মূল আৰু শাক-পাচলিৰ ৰস, অটমিল, কণী আৰু টোষ্ট আপুনি আপোনাৰ ব্ৰেকফাষ্টত অন্তৰ্ভুক্ত কৰিব পাৰে ৷ ৰাতিপুৱা ব্ৰেকফাষ্ট কৰাৰ পিছত আমাৰ ভোক লাগে, যাৰ বাবে আমি অধিক খাদ্য খোৱাৰ পৰা বিৰত থাকোঁ আৰু ওজন নিয়ন্ত্ৰণত থাকে ৷
লগতে পঢ়ক: Momos: আপোনাৰো মোমো প্ৰিয় নেকি ? তেন্তে হৈ যাওক সাৱধান! হ’ব পাৰে এইসমূহ গুৰুতৰ ৰোগ
