এই সময়ছোৱাত প্ৰচণ্ড শীতৰ বাবে উষ্ণ ঠাইত থাকিবলৈ আমি বাধ্য হওঁ । ঠাণ্ডাৰ পৰা হাত সাৰিবলৈ কোনোৱে ব্ল’ৱাৰ ব্যৱহাৰ কৰে আৰু কোনোৱে হিটাৰ ব্যৱহাৰ কৰে । শীতকালত এই দুয়োটাৰে ব্যাপক ব্যৱহাৰ হয় । বহুতে অনবৰতে ৰুম হিটাৰ ব্ল’ৱাৰৰ সন্মুখত বহি থাকে । বহুতে শুই থকাৰ সময়ত ব্ল’ৱাৰটো জ্বলাই ৰাখে, কিন্তু আপোনাৰ তথ্যৰ বাবে আমি আপোনাক জনাই দিও যে, ই স্বাস্থ্যৰ বাবে ক্ষতিকাৰক হ’ব পাৰে । ৰুমৰ হিটাৰটো অনবৰতে জ্বলাই বহি থাকিলে স্বাস্থ্যৰ যথেষ্ট ক্ষতি হয় । কোঠাটোৰ অক্সিজেনৰ মাত্ৰা কমিবলৈ আৰম্ভ কৰে । যিটো শৰীৰৰ অংগসমূহৰ বাবে অতি বিপদজনক হ’ব পাৰে ।
শৰীৰৰ এই অংগবোৰৰ ক্ষতি হয়-
ছালৰ ক্ষতি কৰে-
যদি কোনো ব্যক্তিয়ে ৰুম হিটাৰ ব্ল’ৱাৰৰ সন্মুখত বহু সময় বহি থাকে তেন্তে তেওঁৰ ছালৰ যথেষ্ট ক্ষতি হ’ব পাৰে । ইয়াৰ ফলত ছালৰ সৈতে বিভিন্ন সমস্যাই দেখা দিয়ে । এইটো এক প্ৰকাৰৰ হিট এলাৰ্জী, যাৰ ফলত যথেষ্ট ক্ষতি হয় । ই আপোনাৰ মূৰৰ ছাল শুকুৱাই পেলাব পাৰে । ইয়াৰ উপৰিও চুলি সৰা সমস্যাও আৰম্ভ হ’ব পাৰে ।
নাকৰ পথ শুকাই যাব পাৰে-
ব্ল’ৱাৰ আৰু ৰুম হিটাৰৰ অত্যধিক ব্যৱহাৰৰ ফলত নাকৰ পথ শুকাই যায়, যাৰ ফলত নাকৰ পৰা তেজ ওলায় । যাৰ ফলত নাকৰ ওপৰৰ অংশত বিষ হয় । ইয়াৰ ফলত ভিতৰৰ পৰাই বিচলিত হ’ব পাৰে । গতিকে ব্ল’ৱাৰ আৰু ৰুম হিটাৰ অলপ ভাবি চিন্তিহে ব্যৱহাৰ কৰাটো উচিত ।
মগজুত আভ্যন্তৰীণ ৰক্তক্ষৰণ হ’ব পাৰে-
ব্ল’ৱাৰ আৰু হিটাৰৰ অত্যধিক ব্যৱহাৰে মগজুৰ গুৰুতৰ ক্ষতিসাধন কৰে । হিটাৰ ব্যৱহাৰ কৰিলে কোঠাটোত কাৰ্বন মনোক্সাইডৰ মাত্ৰা বৃদ্ধি পায়, যাৰ ফলত মগজুত তেজৰ অভাৱ হয় । ইয়াৰ ফলত মগজুৰ আভ্যন্তৰীণ ৰক্তক্ষৰণো হ’ব পাৰে আৰু মৃত্যুও হ’ব পাৰে । গতিকে ব্ল’ৱাৰ আৰু ৰুম হিটাৰ বুদ্ধিমানৰূপে ব্যৱহাৰ কৰক । শীতকালত দীৰ্ঘসময়লৈকে ব্যৱহাৰ কৰাৰ পৰা বিৰত থাকক ।
লগতে পঢ়ক: দেশত Covidৰ লগতে ইনফ্লুৱেঞ্জা ফ্লুৰ আশংকা বৃদ্ধি; ইয়াৰ লক্ষণ তথা নিদান জানি লওক
