শীতকালত প্ৰচণ্ড ঠাণ্ডাৰ লগতে মানুহৰ ওজন বৃদ্ধিৰো সমস্যাই দেখা দিছে ৷ এই বতৰত আমি প্ৰায়ে অধিক ভোক অনুভৱ কৰো, যাৰ বাবে আমি দিনটো কিবা নহয় কিবা এটা খাবলৈ ইচ্ছা প্ৰকাশ কৰো ৷ ইয়াৰ লগতে ঠাণ্ডাৰ বাবে শাৰীৰিক কাৰ্যকলাপ কম হোৱাৰ বাবে হজম প্ৰক্ৰিয়া সঠিক নহয় আৰু ইয়াৰ বাবেও ওজন বৃদ্ধি হ’বলৈ আৰম্ভ কৰে ৷ এনে পৰিস্থিতিত শীতকালত ওজন নিয়ন্ত্ৰণত ৰখাটো অতি কঠিন হৈ পৰে ৷
ইফালে এই বতৰত মানুহে কমকৈ পানী সেৱন কৰাৰ বাবে ডিহাইড্ৰেচনৰ দৰে সমস্যাত ভোগে ৷ সেয়ে শীতকালত আপোনাৰ ওজন নিয়ন্ত্ৰণ কৰাৰ লগতে আপোনাৰ শৰীৰক হাইড্ৰেট কৰাত নেমুৰ পানী যথেষ্ট লাভদায়ক হ’ব পাৰে, যাক বহুতে ওজন কমাবলৈ নিজৰ ৰুটিনৰ অংশ কৰি লয় ৷
খালী পেটত মৌ আৰু নেমুৰ পানী খোৱাটো ওজন কমোৱাৰ ক্ষেত্ৰত যথেষ্ট ফলপ্ৰসূ ৷ ই কেৱল ওজন নিয়ন্ত্ৰণ কৰা বা আপোনাৰ শৰীৰক হাইড্ৰেট কৰাৰ বাবেই নহয় ই আপোনাৰ স্বাস্থ্যৰ পক্ষে আন বহুতো উপকাৰিতা সাধন কৰে, যিবোৰৰ বিষয়ে অতি কম সংখ্যক লোকহে জ্ঞাত ৷ আজি আমি এই বিষয়েই জানো আহক-
শীতকালত নেমু মৌৰ পানী গ্ৰহণ কৰিলে-
ভোক নিয়ন্ত্ৰণত থাকে
একাংশ লোকৰ মতে খালী পেটত মৌ নেমুৰ পানী খালে ভোক নিয়ন্ত্ৰণত সহায় কৰে ৷ ইয়াৰ বাবেই আপুনি গোটেই দিনটো অতিমাত্ৰা খাদ্য খোৱাৰ পৰা বিৰত থাকিব লাগিব লগতে এইদৰে আপোনাৰ ওজন কমাতো সহায়ক হ’ব ৷
হজম শক্তি উন্নত কৰে
নেমুৰ পানীয়ে পাচন এনজাইমৰ উৎপাদন বৃদ্ধিত সহায় কৰে ৷ ইয়াৰ ফলত পুষ্টিকৰ পদাৰ্থ ভালদৰে শোষণ হয় আৰু ওজন নিয়ন্ত্ৰণত যথেষ্ট সহায় কৰে ৷
ৰক্তশৰ্কৰাৰ মাত্ৰা নিয়ন্ত্ৰণত থাকে
মৌৰ গ্লাইচেমিক সূচকাংক চেনিৰ তুলনাত কম ৷ এনে পৰিস্থিতিত নেমুৰ পানীৰ সৈতে সীমিত পৰিমাণত সেৱন কৰিলে ডায়েবেটিছ ৰোগীৰ বাবে অতি উপকাৰী ৷ নেমুৰ লগত মৌ মিহলি কৰিলে ৰক্তশৰ্কৰাৰ মাত্ৰা নিয়ন্ত্ৰণ কৰাত সহায় কৰিব পাৰে ৷ ইয়াৰ উপৰিও চেনিযুক্ত আহাৰৰ প্ৰতি লোভ হ্ৰাস পাব ৷
বিপাকীয় ক্ৰিয়াৰ হাৰ বৃদ্ধি কৰে
মৌ আৰু নেমুৰ সংমিশ্ৰণে আপোনাৰ বিপাকীয় ক্ৰিয়াৰ হাৰ বৃদ্ধি কৰে বুলি বিশ্বাস কৰা হয়, যিয়ে গোটেই দিনটোত কেলৰি আপোনাৰ শৰীৰৰ ভাল সংখ্যক কেলৰি হ্ৰাস কৰাত সহায় কৰে ৷
শৰীৰক হাইড্ৰেটেড কৰি ৰাখে
ওজন কমাবলৈ আমাৰ বাবে হাইড্ৰেটেড হৈ থকাটো অতি প্ৰয়োজনীয় ৷ এনে পৰিস্থিতিত আপুনি দৈনন্দিন জীৱনত মৌ নেমুৰ পানী অন্তৰ্ভুক্ত কৰি আপোনাৰ শৰীৰত কেতিয়াও পানীৰ অভাৱ হ’ব নোৱাৰাকৈ ৰাখিব পাৰে ৷ শৰীৰত সঠিক পৰিমাণে পানী থাকিলে ভোক নিয়ন্ত্ৰণত সহায় কৰে ৷
শৰীৰৰ বিষমুক্ত কৰাত সহায় কৰে
নেমুৰ পানীক বিষমুক্তকৰণৰ এক উৎকৃষ্ট পানীয় বুলি গণ্য কৰা হয় ৷ ই শৰীৰৰ পৰা বিষাক্ত পদাৰ্থ বাহিৰ কৰাত সহায় কৰে, যাৰ ফলত পাচনতন্ত্ৰ সুস্থ হৈ থাকে ৷
লগতে পঢ়ক: দেশত Covidৰ লগতে ইনফ্লুৱেঞ্জা ফ্লুৰ আশংকা বৃদ্ধি; ইয়াৰ লক্ষণ তথা নিদান জানি লওক
