বৰ্তমান সময়ত বিশ্বব্যাপী ১০ জন ব্যক্তিৰ ভিতৰত ৪জনেই থাইৰইডৰ দৰে বিপদজনক ৰোগত আক্ৰান্ত ৷ মেদবহুলতা, হৰম’নৰ ভাৰসাম্যহীনতা আৰু বেয়া জীৱনশৈলীয়েই হৈছে এই ৰোগৰ মুখ্য কাৰণ ৷ থাইৰইড মূলত দুই প্ৰকাৰৰ ৷ থাইৰয়ড হৈছে ডিঙিৰ তলৰ অংশত অৱস্থিত পখিলাৰ আকৃতিৰ গ্ৰন্থি। ই ট্ৰাইঅ’ড’থাইৰ’নিন (T3) আৰু থাইৰ’ক্সিন (T4) হৰম’ন নিঃসৰণ কৰে । ইয়াক থাইৰয়ড হৰম’ন বোলা হয় । ইয়াৰ প্ৰাৰম্ভিক লক্ষণবোৰ কি আৰু আপুনি ইয়াৰ পৰা নিজকে কেনেকৈ সুৰক্ষিত কৰি ৰাখিব পাৰে, আজি এই বিষয়ে জানো আহক-
থাইৰইডৰ লক্ষণসমূহ
- হাত-ভৰিৰ কঁপনি
- চুলি সৰা আৰু পাতল হোৱা
- টোপনিৰ অভাৱ
- পেশীৰ বিষ আৰু দুৰ্বলতা
- উদ্বিগ্নতা আৰু খিংখিঙীয়া ভাব
- অত্যাধিক ঘাম ওলোৱা
- দ্ৰুত হৃদস্পন্দন
- বৰ্ধিত ভোক
- ওজন হ্ৰাস
- মহিলাৰ অনিয়মীয়া ঋতুস্ৰাৱ
থাইৰইডৰ মূল কাৰণ কি ?
- আনুবংশিক
থাইৰইড ৰোগো আনুবংশিক ৷ যদি আপোনাৰ পৰিয়ালৰ কাৰোবাৰ এই ৰোগ আছে, তেনেহ'লে ই আপোনাৰ সংক্ৰমণৰ আশংকা যথেষ্ট পৰিমাণে বৃদ্ধি কৰে ৷
- স্বাস্থ্যকৰ আহাৰৰ অভাৱ
সুস্বাস্থ্যৰ বাবে পুষ্টিকৰ আহাৰ গ্ৰহণ কৰাটো খুবেই প্ৰয়োজনীয় কাৰণ পুষ্টিৰ অভাৱৰ বাবেও এই সমস্যাৰ সৃষ্টি হ'ব পাৰে ৷ থাইৰইড ভিটামিন-ডি, আয়ডিন, জিংক, চেলেনিয়াম আৰু অন্যান্য পুষ্টিৰ অভাৱৰ ফলতো থাইৰইড ৰোগে দেখা দিব পাৰে ৷
- বয়স
বাঢ়ি অহা বয়সো এই ৰোগৰ মূল কাৰণ হ'ব পাৰে ৷ বিশেষকৈ বৃদ্ধ বয়সৰ মহিলাৰ ক্ষেত্ৰত এই সমস্যা যথেষ্ট বৃদ্ধি হোৱাৰ আশংকা থাকে ৷
- পাৰিপাৰ্শ্বিক কাৰকসমূহ
কিছুমান পাৰিপাৰ্শ্বিক কাৰকো থাইৰইডৰ কাৰণ হ'ব পাৰে ৷এইসমূহৰ ভিতৰত বিকিৰণ, প্ৰদূষণ, নিকোটিন আৰু ৰাসায়নিক পদাৰ্থ অন্যতম ৷
- হৰম’নৰ পৰিৱৰ্তন
গৰ্ভধাৰণ, ৰজোনিবৃত্তিৰ সময়ত মহিলাৰ থাইৰইডৰ সমস্যা বৃদ্ধি হ'ব পাৰে ৷ সময় সলনি হোৱাৰ লগে লগে হৰমনৰ পৰিৱৰ্তনে এই ৰোগৰ আশংকা বৃদ্ধি কৰিব পাৰে ৷
কেনেদৰে সুৰক্ষিত থাকিব পাৰি ?
- আহাৰত আয়ডিন অন্তৰ্ভুক্ত কৰিব
থাইৰইডৰ পৰা বাচি থাকিবলৈ আপুনি খাদ্য তালিকাত আয়ডিনযুক্ত খাদ্য অন্তৰ্ভুক্ত কৰিব লাগে ৷ মিঠা আলু, সাগৰীয় ফল আপুনি আপোনাৰ আহাৰত অন্তৰ্ভুক্ত কৰিব পাৰে ৷
- নিয়মীয়া ব্যায়াম কৰিব
আপোনাৰ ৰুটিনত যোগ, প্ৰাণায়াম, ব্যায়াম, ধ্যান স্বাস্থ্যকৰ ব্যায়াম অন্তৰ্ভুক্ত কৰিব ৷ ই থাইৰইডৰ সমস্যাত যথেষ্ট সকাহ দিব ৷
- দুগ্ধজাত সামগ্ৰী
এই ৰোগত যিমানদূৰ সম্ভৱ দুগ্ধজাত সামগ্ৰী গ্ৰহণ কৰাটো উচিত ৷ কাৰণ গাখীৰত প্ৰচুৰ পৰিমানে কেলচিয়াম, ভিটামিন, খনিজ আৰু বহুতো পুষ্টিকৰ উপাদান থাকে, যাক থাইৰইড নিৰাময়ত অতি উপকাৰী বুলি গণ্য কৰা হয় ৷
লগতে পঢ়ক: Assamese Mah-prasad: আমি ব্যৱহাৰ কৰা মাহ প্ৰসাদৰ গুণাগুণ সম্পৰ্কে জানো আহক
