ওদালগুৰি, 9 জুনঃ ওদালগুৰি জিলাত অব্যাহত আছে হাতী-মানুহৰ সংঘাত ৷ জিলাখনৰ ভাৰত-ভূটান সীমান্তৱৰ্তী অঞ্চলত হাতীৰ আক্ৰমণত কেবাজনো লোকৰ মৃত্যু হোৱাৰ লগতে বহুটো বাসগৃহৰ ক্ষতিসাধন হয় ৷ শনিবাৰে নিশাও জিলাখনত বন্যহস্তীয়ে তাণ্ডৱ চলায় ভাঙি পেলায় দুটাকৈ বাসগৃহ ৷
অধিক পঢ়কঃ পুনৰ ডিটেনচন কেম্প বিতৰ্কঃ কেম্পত মৃত্যু ধিঙৰ সুৰুজ আলী
হৰিশিঙা থানাৰ অন্তৰ্গত ১ নং বৰঙাবাৰীত সংঘটিত হয় এই কাণ্ড ৷ গাঁৱখনৰ প্ৰতিমা কুমাৰ নামৰ লোকজনৰ চৌহদত প্ৰৱেশ কৰি ভাঙি পেলায় দুটাকৈ বাসগৃহ ৷ আনহাতে বন্য়হস্তীৰ আক্ৰমণত কথমপি প্ৰাণৰক্ষা পৰে পৰিয়ালটোৰ ৷
স্থানীয় ৰাইজৰ অভিযোগ অনুসৰি, গাঁৱখনৰ পৰা ওচৰতে আছে বন বিভাগৰ কাৰ্যালয় ৷ কিন্তু হাতী-মানুহৰ সংঘাট ৰোধ কৰিবলৈ আজিলৈকে বন বিভাগে গ্ৰহণ কৰা নাই কোনো ব্যৱস্থা ৷ সেয়েহে বন বিভাগৰ কাৰ্যালয়টো সেই স্থানৰ পৰা আন ঠাইলৈ স্থানান্তৰিত কৰিবলৈ চৰকাৰলৈ অনুৰোধ জনাইছে ভুক্তভোগী গাঁওবাসীয়ে ৷