তিনিচুকীয়া,২৯ এপ্ৰিল: সুদীৰ্ঘ ৩৭ বছৰীয়া বিদ্ৰোহী পন্থা ত্যাগ কৰি অৱশেষত নিজ গৃহলৈ উভতি যোৱাৰ সিদ্ধান্ত লোৱা আলফা (স্বা) ৰ নেতা তথা মেজৰ জেনেৰেল জীৱন মৰাণ ওৰফে জীৱন অসম বৰ্তমান সেনাৰ জিম্মাত । বৰ্তমান জীৱন মৰাণক অৰুণাচলৰ টিৰাপ জিলাৰ খুমচাইৰ এক অজ্ঞাত স্থানত ৰখা হৈছে । সম্প্ৰতি সেনাই মৰাণক জেৰা অব্যাহত ৰাখিছে । সেনা বাহিনীৰ জেৰা শেষ হোৱাৰ পাছতে বৃহস্পতিবাৰে ডিব্ৰুগড় আৰক্ষীৰ হাতত গতাই দিয়া হ’ব জীৱন মৰাণক ।
১৯৮৪ চনত সংগঠনটোত যোগদান কৰা বৰ্তমানৰ ৬৫ বছৰীয়া আলফা নেতা মৰাণে বাৰ্মাত প্ৰশিক্ষণ লৈছিল । ৩৭ বছৰৰ পাচত আলফাৰ পৰা অব্যাহতি লৈ ওপজা ভূমিলৈ উভতিছে জীৱন মৰাণ । তিনিচুকীয়া জিলাৰ কাকপথাৰৰ উবন গাঁৱত ঘৰ মৰাণৰ । আলফা (স্বা) নে ২৫ এপ্ৰিলত জাৰি কৰা এক বিবৃতিত আলফাৰ সশস্ত্ৰ বিদ্ৰোহ ত্যাগ কৰি নিজৰ জীৱনৰ অৱশিষ্ট সময়খিনি পৰিয়ালৰ সৈতে কটোৱাৰ সিদ্ধান্ত লোৱাৰ কথা উল্লেখ কৰিছে ৷ লগতে শাৰিৰীক অসুস্থতাৰ বাবে অব্যাহতি দিয়া হৈছে জীৱন মৰাণ ওৰফে জীৱন অসমক ।
লগতে পঢ়ক: নৈশ সান্ধ্য আইন ভংগকাৰীৰ বিৰুদ্ধে কঠোৰ ধেমাজি আৰক্ষী
