কাকপথাৰত পথ দুৰ্ঘটনাত থিতাতে নিহত এক

তিনিচুকীয়াৰ কাকপথাৰত সংঘটিত হৈছে এক ভয়ংকৰ পথ দুৰ্ঘটনা ৷ এখন তীব্ৰবেগী বলেৰ’ পিক আপ ভানে এখন মটৰ চাইকেলত খুন্দা মৰাৰ ফলত সংঘটিত হয় দুৰ্ঘটনাতো ৷ পথ দুৰ্ঘটনাটোত এগৰাকী লোক থিতাতে নিহত হোৱাৰ বিপৰীতে আহত হৈছে এজন ৷

শদিয়া,15 জুন: তিনিচুকীয়াৰ কাকপথাৰত সংঘটিত হৈছে এক ভয়ংকৰ পথ দুৰ্ঘটনা ৷ ডমনাবস্তিৰ কালী মন্দিৰৰ সন্মুখত সংঘটিত উক্ত পথ দুৰ্ঘটনাত এগৰাকী লোক থিতাতে নিহত হোৱাৰ বিপৰীতে আহত হৈছে এজন ৷ ঘটনাৰ বিৱৰণী অনুসৰি,এ এছ 23 বি চি 9665 নম্বৰৰ এখন তীব্ৰবেগী বলেৰ’ পিক আপ ভানে এখন মটৰ চাইকেলত খুন্দা মৰাৰ ফলত সংঘটিত হয় দুৰ্ঘটনাতো ৷ বাহনখনৰ খুন্দাত এ এছ 23 আৰ 5161 নম্বৰৰ মটৰ চাইকেলখনৰ আৰোহী দপথাৰ নিবাসী পূৰ্ণকান্ত দুৱৰা নামৰ ব্যক্তিগৰাকীৰ থিতাতে মৃত্য়ু ঘটে ৷ আনহাতে,মটৰ চাইকেল খনত অহা অন্য এগৰাকী আৰোহী ডিৰাক তৰাজনিয়াৰ নিতুল চেতিয়া গুৰুতৰভাৱে আহত হয় ৷

লগতে চাওকঃ ভয়াৱহ দিশে ৰাজ্যৰ বান পৰিস্থিতিঃ 33 লাখ লোক বানৰ কবলত