তিনিচুকীয়া, 25 চেপ্তেম্বৰ: তিনিচুকীয়াত আই পি এলৰ বাবে জুৱা খেল অব্যাহত থকা বুলি ভিন্ন সংবাদ মাধ্যমযোগে বাতৰি প্ৰচাৰ হোৱাৰ পাচতে প্ৰতিক্ৰিয়া প্ৰকাশ ভিন্ন সংগঠনৰ ৷ যুৱ ব্যৱসায়ী বিকাশ বেৰিয়া আৰু তেওঁৰ ভাতৃৰ বিৰুদ্ধে আই পি এলৰ নামত জুৱা খেলোৱাৰ অভিযোগ উত্থাপন কৰি, কেইটামান নিৰ্দিষ্ট সংবাদ মাধ্যমত বাতৰি সম্প্ৰচাৰ হোৱাক লৈ প্ৰতিক্ৰিয়া প্ৰকাশ কৰিলে টাই-আহোম ছাত্ৰ সন্থাৰ লগতে,মটক যুৱ ছাত্ৰ পৰিষদে ৷
ভিন্ন সামাজিক কাৰ্যৰ লগত জড়িত ব্যৱসায়ী গৰাকীৰ বিৰুদ্ধে চৰজমিন তদন্ত চলোৱাৰ পাচতো তেওঁৰ বিৰুদ্ধে কোনো ধৰণৰ আপত্তিজনত তথ্য নোপোৱাৰ বিষয়ে উল্লেখ কৰে সংগঠন দুটাৰ কৰ্মকৰ্তাই ৷ সংবাদ মাধ্যম কেইটাক উচিত তথ্য-প্ৰমাণ দিবলৈ আহ্বান জনাইছে কৰ্মকৰ্তাসকলে ৷ আনহাতে কোনো তথ্য প্ৰমাণ নোহোৱাকৈ মনে সজা বাতৰি পৰিবেশন কৰা বুলি সম্প্ৰতি সেই নিৰ্দিষ্ট সংবাদ মাধ্যমকেইটাৰ বিৰুদ্ধে ক্ষোভ প্ৰকাশ আন একাংশ লোকেও ৷
লগতে পঢ়ক: বিজেপিক বণিক শ্ৰেণীৰ দল আখ্যা অসম জাতীয়তাবাদী যুৱ ছাত্ৰ পৰিষদৰ
