ফিল’বাৰী কনিষ্ঠ মহাবিদ্যালয়ৰ ৰূপালী জয়ন্তী সমাৰোহৰ শুভাৰম্ভণী

পুৱাই মহাবিদ্যালয়ৰ চৌহদত পতাকা উত্তোলন,শ্বহীদ তৰ্পনৰ পাছতে বাৰেৰহণীয়া সাংস্কৃতিক শুভাযাত্ৰা উলিয়াই ৷ লগতে ৰূপালী জয়ন্তীৰ এই বৰ্ষজোৰা কাৰ্যসূচীৰ মাজতে মহাবিদ্যালয়খন প্ৰাদেশীকৃত কৰিবলৈ চৰকাৰক আহ্বান জনাইছে অধ্যক্ষ তুলসী উপাধ্যায়ে

তিনিচুকীয়া,2 জুলাইঃ তিনিচুকীয়া জিলাৰ ফিল’বাৰী অঞ্চলৰ একমাত্ৰ উচ্চ শিক্ষা প্ৰতিষ্ঠান ফিল’বাৰী কনিষ্ঠ মহাবিদ্যালয়ৰ বৰ্ষজোৰা ৰূপালী জয়ন্তী সমাৰোহৰ সোমবাৰে শুভাৰম্ভণী হয় ৷ ১৯৯৫ চনত কেইগৰাকীমান শিক্ষানুৰাগী ব্যক্তিৰ বহু ত্যাগ আৰু কষ্টৰে প্ৰতিষ্ঠিত ফিল’বাৰী মহাবিদ্যালয়ে ২৫টা বসন্ত গৰকাত মহাবিদ্যালয়খনৰ শিক্ষক-শিক্ষয়ত্ৰী,ছাত্ৰ-ছাত্ৰী,প্ৰাক্তন ছাত্ৰ-ছাত্ৰী,শিক্ষানুৰাগী ৰাইজ একত্ৰিত হৈ সোমবাৰে পুৱাই বৰ্ষজোৰা কাৰ্যসূচীৰে ৰূপালী জয়ন্তী কাৰ্যসূচী আৰম্ভ কৰে ৷

পুৱাই মহাবিদ্যালয়ৰ চৌহদত পতাকা উত্তোলন,শ্বহীদ তৰ্পনৰ পাছতে বাৰেৰহণীয়া সাংস্কৃতিক শুভাযাত্ৰা উলিয়াই ৷ লগতে ৰূপালী জয়ন্তীৰ এই বৰ্ষজোৰা কাৰ্যসূচীৰ মাজতে মহাবিদ্যালয়খন প্ৰাদেশীকৃত কৰিবলৈ চৰকাৰক আহ্বান জনাইছে অধক্ষ্য তুলসী উপাধ্যায়ে ৷ কাৰণ শিক্ষানুষ্ঠান কৰ্তৃপক্ষই কৰা অভিযোগ অনুসৰি অঞ্চলটোৰ একমাত্ৰ উচ্চ শিক্ষাৰ প্ৰতিষ্ঠানখনে ৰূপালী জয়ন্তী গৰকাৰ পিছতো প্ৰাদেশীকৰণ নহ'ল মহাবিদ্যালয়খন ৷