মাৰ্ঘেৰিটা,১৬জুন : মাৰ্ঘেৰিটাৰ জাগুনত ভুৱা সাংবাদিকৰ দপদপনি । অঞ্চলটোৰ ব্যক্তিগত খণ্ডৰ বিদ্যালয়ৰ স্বত্বাধিকাৰৰ পৰা আৰম্ভ কৰি বৈধ-অবৈধ শিলৰ কুৱাৰী, বালিৰ মহলৰ মালিকক ব্লেকমেইলিঙেৰে ধন দাবী কৰাৰ অভিযোগ উত্থাপিত হৈছে ভুৱা সাংবাদিকৰ বিৰুদ্ধে ।
বনাঞ্চলিক বিষয়াক ধন দাবি ভুৱা সাংবাদিকৰ
শেহতীয়াকৈ জাগুন বন বিভাগৰ বনাঞ্চলিক বিষয়া পদুম বৰপাত্ৰগোহাইক নিজকে এটা ৰাষ্ট্ৰীয় চেনেলৰ সাংবাদিক বুলি চিনাকী দি এজন ব্যক্তিয়ে দীৰ্ঘদিন ধৰি কৰি আহিছে ধন দাবী । বিভিন্ন ভয়-ভাবুকিৰে মানসিকভাৱে শাস্তি দি লোকজনৰ পৰা ধন লোৱাৰ লগতে শেহতীয়াকৈ বিষয়াজনক এক লাখ টকা দাবী কৰা পাছতেই পোহৰলৈ আহিছে এই ঘটনাটো । তাৎপৰ্যপূৰ্ণ যে, ব্যক্তিগত ৰাষ্ট্ৰীয় চেনেল এটাৰ "লগ" বনাই নিজকে উক্ত চেনেলটোৰ সাংবাদিক বুলি পৰিচয় দি বিভিন্ন উৎসৰ পৰা লক্ষাধিক টকা আত্মসাৎ কৰাৰো অভিযোগ উত্থাপিত হৈছে ভুৱা সাংবাদিকজনৰ বিৰুদ্ধে ।
