মাৰ্ঘেৰিটা,4জুলাইঃ তিনিচুকীয়া জিলাৰ মাৰ্ঘেৰিটা মহকুমা ন্যায়িক দণ্ডাধীশৰ আদালতত কৰ'ণাক লৈ আতংক ৷ অতিৰিক্ত জিলা আৰু চেচন ন্যায়াধীশৰ গাড়ী চালক দ্বিপেন দাসৰ শৰীৰত কোভিড-১৯ পজিটিভ ধৰা পৰা পিছতেই আতংকৰ সৃষ্টি হোৱা দেখিবলৈ পোৱা গৈছে। বিগত ২ জুলাইৰ নিশা অহা ৰিপৰ্টত চালক জনৰ দেহত কোভিড-19 ৰ অবস্থিতি ধৰা পৰে। ইপিনে ৩ জুলাইত এই কথা জানিব পাৰি আদালতৰ চৌহদত তীব্ৰ প্ৰতিক্ৰিয়াৰ সৃষ্টি হোৱা পৰিলক্ষিত হৈছে ।
উল্লেখযোগ্য যে, দিপেন দাস যোৱা ২৯ জুনৰ পৰা ১ জুলাই লৈকে মাৰ্ঘেৰিটা আদালত কক্ষলৈ অহা যোৱা কৰি আছিল আনহাতে দ্বিপেনৰ কোনো ভ্ৰমন বৃতান্ত নাছিল বুলি জানিব পৰা গৈছে । শনিবাৰে দ্বিপেন দাসৰ সংস্পৰ্শলৈ অহা ৪০ জনৰো অধিকৰ স্বাৱ সংগ্ৰহ কৰি টেষ্টৰ বাবে প্ৰেৰণ কৰাৰ লগতে সকলোকে তিনিদিনৰ বাবে হ‘ম কোৱাৰেন্টাইনত থাকিবলৈ নিদেৰ্শ প্ৰদান কৰে স্বাস্থ্য বিভাগে ।
লগতে পঢ়কঃ সংবাদমেল চলি থকাৰ মাজতেই বাইক লৈ উধাও চোৰ
