নাগৰিকত্ব (সংশোধনী) আইনৰ বিৰুদ্ধে ৰাজ্য়জুৰি আছুৰ ৰণশিঙা

তিনিচুকীয়া, 9 জানুৱাৰীঃ তিনিচুকীয়াৰ গুইজানত বৃহস্পতিবাৰে নাগৰিকত্ব সংশোধনী আইনৰ বিৰোধিতাৰে আছু, এ জে ৱাই চি পি আৰু বিভিন্ন দল সংগঠনৰ উদ্যোগত ৰণশিঙা কাৰ্য্যসূচী ৰূপায়ন কৰা হয় । গুইজান তিনিআলিৰ ৰাজপথতে কেইবা শতাধিক প্ৰতিবাদীয়ে সাব্যস্ত কৰিলে প্ৰতিবাদ । ইফালে ৰণশিঙা কাৰ্য্যসূচীত অসমৰ জনপ্ৰিয় অভিনেতা নয়ন নিৰ্বান উপস্থিত থাকি নাগৰিকত্ব সংশোধনী আইনৰ বিৰোধিতা কৰাৰ লগতে কেইবাটাও গুৰুত্বপূৰ্ণ মন্তব্য কৰে । ৰণশিঙা কাৰ্য্যসূচীত প্ৰতিবাদী জনতাক সম্বোধন কৰি অসমৰ সাম্প্ৰতিক পৰিস্থিতিক লৈ শিল্পীগৰাকী আবেগিক হৈ পৰে ৷ লগতে বিজেপি দলক পদুম ফুলৰ আঁৰত লুকাই থকা বিষাক্ত ফেঁটি সাপৰ লগত তুলনা কৰে শিল্পী গৰাকীয়ে ৷