তিনিচুকীয়াত কে এল অ' সদস্য আটক সেনাৰ

কেএলঅ' সদস্যজনৰ পৰা AK47ৰ দুজাঁই সক্ৰিয় গুলী উদ্ধাৰ কৰিছে সেনাই ৷ ইতিমধ্যে মাকুম আৰক্ষী থানাত বিদ্ৰোহী সংগঠনৰ সদস্যজনক চমজাই দিছে গাড়োৱাল ৰেজিমেণ্টে ৷ ধৃত কেএলঅ' সদস্যগৰাকীয়ে জনোৱা অনুসৰি ২০১৫ চনত কমতাপুৰ লিবাৰেশ্বন অৰ্গেনাইজেশ্বনত যোগদান কৰিছিল ৷

তিনিচুকীয়া,7মে': মঙলবাৰে পুৱা তিনিচুকীয়াৰ মাকুম বাইপাছত সেনাৰ অভিযান ৷ অভিযানকালত বিদ্ৰোহী সংগঠন কমতাপুৰ লিবাৰেশ্বন অৰ্গেনাইজেশ্বন চমুকৈ কে এল অ'ৰ এজন সদস্যক আটক কৰা হয় ৷ সেনাৰ গাড়োৱাল ৰেজিমেণ্টে এক বিশেষ সূত্ৰৰ পম খেদি ডিব্ৰুগড়-তিনিচুকীয়া অভিমুখী কেইবাখনো চলন্ত গাড়ীত অভিযান চলাই কেএলঅ'ৰ ছাৰ্জেণ্ট মেজৰ মুকুন্দ কোঁচ ওৰফে জ্যোতিষ ৰয়ক আটক কৰিবলৈ সক্ষম হয় ৷

কেএলঅ' সদস্যজনৰ পৰা AK47ৰ দুজাঁই সক্ৰিয় গুলী উদ্ধাৰ কৰিছে সেনাই ৷ ইতিমধ্যে মাকুম আৰক্ষী থানাত বিদ্ৰোহী সংগঠনৰ সদস্যজনক চমজাই দিছে গাড়োৱাল ৰেজিমেণ্টে ৷ ধৃত কেএলঅ' সদস্যগৰাকীয়ে জনোৱা অনুসৰি ২০১৫ চনত কমতাপুৰ লিবাৰেশ্বন অৰ্গেনাইজেশ্বনত যোগদান কৰিছিল ৷