ডুমডুমা,13 মে': তিনিচুকীয়া জিলাৰ ডুমডুমা বিদ্যুৎ উপ সংমণ্ডলৰ কৰ্মকাণ্ডত এতিয়া অতিষ্ঠ হৈ পৰিছে গ্ৰাহকসকল । কাৰণ ডুমডুমা বিদ্যুৎ উপ-সংমণ্ডলটোত দীৰ্ঘদিনৰ পৰা সংঘটিত হৈ আহিছে কেতবোৰ আজৱ কাণ্ড ৷ মাহেকত কোনো এঘৰ গ্ৰাহকৰ যদি বিদ্যুৎ মাচুল 50 হাজাৰ আহিছে কোনো ঘৰৰ আকৌ 83 হাজাৰ আহিছে ৷ মাহে মাহে বিদ্যুতৰ মাচুল পৰিশোধ কৰি অহা এইসকল গ্ৰাহকে এতিয়া মূৰে-কপালে হাত দিছে ৷
ইফালে সংমণ্ডলটোৰ অধীনত কৰ্মৰত একাংশ কৰ্মচাৰীৰ ছত্ৰছায়াত বিদ্যুৎ যোগানৰ ঠিকা লাভ কৰা একাংশ ঠিকাদাৰে গ্ৰামাঞ্চলৰ সাধাৰণ গ্ৰাহকৰ ওপৰত একপ্ৰকাৰ ত্ৰাসৰ সৃষ্টি কৰি আহিছে । উপ সংমণ্ডলটোৰ অধীনৰ কাকপথাৰৰ বহুসংখ্যক লোকৰ ঘৰত এমাহত ঘৰুৱা বিদ্যুতৰ মাচুল অত্যাধিক দেখি আচম্বিত হৈ পৰা গাঁৱবাসীয়ে বিদ্যুৎ বিভাগৰ সৈতে যোগাযোগ কৰিও কোনো ধৰণৰ সমাধান সূত্ৰ পোৱা নাই ৷ এইক্ষেত্ৰত বিদ্যুৎ বিভাগৰ ঊৰ্ধতম কৰ্তৃপক্ষক বিষয়টো সন্দৰ্ভত ব্যৱস্থা গ্ৰহণৰ দাবী জনাইছে গাঁৱবাসীয়ে ৷
লগতে পঢ়ক: সোণাৰিত গ্ৰেণেডসহ এজন নগা যুৱক আটক
