ডুমডুমাৰ হাঁহচৰাত ভয়ংকৰ পথ দুৰ্ঘটনা

গুৰুতৰভাৱে আহত তিনিজনকৈ লোক । এখন চেন্ট্ৰ গাড়ীয়ে প্ৰচণ্ড জোৰেৰে বিস্কুট কঢ়িওৱা এখন ঠেলাত খুন্দা মৰাৰ ফলত সংঘটিত হয় দুৰ্ঘটনাটো ।

ডুমডুমা,১৯ জুনঃ ডুমডুমাৰ হাঁহচৰা বজাৰৰ ওচৰত বুধবাৰে সংঘটিত হয় এক পথ দুৰ্ঘটনা । দুৰ্ঘটনাৰ ফলত গুৰুতৰভাৱে আহত হয় তিনিজনকৈ লোক । জানিব পৰা মতে, তিনিচুকীয়া দিশৰ পৰা আহি থকা AS 23 C 7177 নম্বৰৰ চেন্ট্ৰ গাড়ী এখনে বিস্কুট কঢ়িয়াই অনা এখন ঠেলাত প্ৰচণ্ড জোৰেৰে খুণ্ডা মাৰে । আহতসকলক ডুমডুমা এফ.আৰ.ইউ. চিকিৎসালয়ত ভৰ্তি কৰোৱা হৈছিল যদিও উন্নত চিকিৎসাৰ বাবে প্ৰেৰণ কৰা হৈছে তিনিচুকীয়ালৈ । সম্প্ৰতি ইয়াৰে এজনৰ অৱস্থা সংকটজনক বুলি জানিব পৰা গৈছে ।