তিনিচুকীয়া,১৫ মে': ৰাজ্যত ড৹ হিমন্ত বিশ্ব শৰ্মাই মুখ্যমন্ত্ৰীৰূপে দায়িত্বভাৰ গ্ৰহণ কৰাৰ পিছতে প্ৰথমবাৰলৈ অসম আৰক্ষীত ব্যাপক ৰদবদল কৰা পৰিলক্ষিত হৈছে ৷ ৰাজ্যৰ ৩৭ গৰাকী আৰক্ষী অধীক্ষকক ৰদবদল কৰা হৈছে বিভিন্ন জিলালৈ ৷
অসমৰ প্ৰায় কেইখন জিলাৰ লগতে তিনিচুকীয়া জিলাতো সলনি হ'ল আৰক্ষী অধীক্ষক । তিনিচুকীয়া জিলাৰ আৰক্ষী অধীক্ষক নিম্বলকৰ বৈভৱ চন্দ্ৰকান্তক বদলি । বৈভৱ চন্দ্ৰকান্তক কাছাৰৰ আৰক্ষী অধীক্ষকৰূপে বদলি কৰা হৈছে । এতিয়াৰে পৰা তিনিচুকীয়াৰ আৰক্ষী অধীক্ষকৰূপে থাকিব দেৱজিৎ দেউৰী ।
লগতে পঢ়ক: বৰপেটাত তিনিজন ক’ভিড-19ত আক্ৰান্তৰ মৃত্যু
