ডুমডুমা, 17 এপ্ৰিল: কৰ'ণা মহামাৰীৰ বাবে দেশজুৰি লক ডাউন অব্যাহত থকাৰ সময়তে ডুমডুমাৰ এগৰাকী কৰ্কট ৰোগত আক্ৰান্ত ৰোগীৰ মহানুভৱতা ৷ নিজেই বিগত চাৰি বছৰে কৰ্কট ৰোগৰ সৈতে যুজ দি অহা নিৰ্মালী কোঁৱৰ নামৰ শিল্পী গৰাকীয়ে বৃহস্পতিবাৰে ডুমডুমা ৰূপাই মিলন তীৰ্থৰ কেইবাটাও দৰিদ্ৰ পৰিয়ালৰ মাজত বিতৰণ কৰে খাদ্য সামগ্ৰী ৷ উল্লেখ্য যে এগৰাকী খ্যাতনামা অভিনেত্ৰী,বৰবিহুৱতী ৰূপে খ্যাত,বিভিন্ন সামাজিক সাংস্কৃতিক ক্ষেত্ৰত জড়িত এগৰাকী সাহসী মহিলা নিৰ্মালী কোঁৱৰ ৷ তিনিচুকীয়া জিলাৰ ডুমডুমা ৰূপাই মিলন তীৰ্থ নিবাসী নিৰ্মালী কোঁৱৰে ডুমডুমা মহাবিদ্যালয়ৰ পৰা ডিব্ৰুগড় বিশ্ববিদ্যালয়ৰ যুৱ মহোৎসৱত তিনিবাৰকৈ একেলেঠাৰিয়ে মুকাভিনয়ত শ্ৰেষ্ঠতা অৰ্জন কৰিছিল ৷
উল্লেখ্য যে নিজেই এক জটিল ৰোগত আক্ৰান্ত হৈ থকাৰ মাজতো বিপদৰ সময়ছোৱাত এনেকৈ আৰ্তজনৰ কাষত থিয় হৈ সহায় আগবঢ়োৱাৰ বাবে নিৰ্মালী কোঁৱৰৰ মহানুভৱতাক শলাগ লৈছে সকলোৱে ৷
লগতে পঢ়কঃ মেঘালয়ত প্ৰায় ৩০ ঘণ্টাৰ অন্তত কবৰ দিয়ে কৰ'ণা ভাইৰাছত আক্ৰান্ত চিকিৎসকক
