তিনিচুকীয়া, 17 অক্টোবৰঃ তিনিচুকীয়া জিলাৰ ফিল'বাৰীৰ পৰা ৯ বছৰীয়া শিশু নিৰুদ্দেশ । ৬ তাৰিখৰ পৰা সন্ধানহীন হৈ আছে ফিল'বাৰী বৰগাওঁত চাহ শ্ৰমিক হিচাপে থকা দেবাৰু তাঁতীৰ কন্যা চবিনা তাঁতী । চুবুৰীয়াৰ লগত পূজা চাবলৈ গৈ ঘূৰি অহা নাই শিশুটি । শিশুটিক লগত লৈ যোৱা চুবুৰীয়াৰ দম্পতিৰ হালৰো কোনো সন্ধান নাই বৰ্তমানলৈকে । বিগত ১০ দিনে সন্ধান নোপোৱাত শংকিত হৈ পৰিছে চবিনাৰ পিতৃ-মাতৃ ।
উল্লেখ্য যে, বিগত কিছু দিনত ৰাজ্য়খনত কেবাটাও শিশু অপৰহণৰ ঘটনা সংঘটিত হৈ আহিছে ৷ কিন্তু এই ক্ষেত্ৰত আৰক্ষী প্ৰশাসনে কি ব্যৱস্থা হাতত লয় সেইয়া হে লক্ষণীয় হ'ব ৷
