হাটশিঙিমাৰী, 7 মাৰ্চঃ সমগ্ৰ ৰাজ্যৰ লগতে হাটশিঙিমাৰীটো প্ৰতিবাদ সাব্যস্ত কৰে টেট শিক্ষকসকলে ৷ চাকৰি নিয়মীয়াকৰণকে ধৰি অন্যান্য দাবীৰে এইদৰে প্ৰতিবাদ সাব্যস্ত কৰে শিক্ষকসকলে ৷
সুশাসনৰ কথা কোৱা বিজেপি চৰকাৰৰ দিনত ৰাজ্যৰ শিক্ষকসমাজ নামিল প্ৰতিবাদত ৷ বৃহস্পতিবাৰে সমগ্ৰ ৰাজ্যব্যাপী টেট শিক্ষকসকলে পালন কৰে প্ৰতিবাদী কাৰ্যসূচী ৷ ঠিকাভিত্তিক টেট শিক্ষকসকলে চাকৰি নিয়মীয়াকৰণৰ দাবীৰে এইদৰে প্ৰতিবাদ সাব্যস্ত কৰে ৷
সমগ্ৰ ৰাজ্যৰ লগতে দক্ষিণ শালমাৰা মানকাচৰ জিলা সমিতিৰ প্ৰায় ডেৰ শতাধিক ঠিকাভিত্তিক টেট শিক্ষকে জিলা উপায়ুক্তৰ কাৰ্যালয়ৰ সন্মুখত প্ৰতিবাদ সাব্যস্ত কৰে ৷ জিলা উপায়ুক্তৰ কাৰ্যালয়ৰ সন্মুখত অৱস্থান গ্ৰহণ কৰাৰ লগতে কাৰ্যালয় ঘেৰাও কৰি তীব্ৰ প্ৰতিবাদ সাব্যস্ত কৰে শিক্ষকসকলে ৷ বিনা চৰ্তে শিক্ষকসকলৰ চাকৰি নিয়মীয়াকৰণৰ লগতে শিক্ষকসকলৰ সমস্যাসমূহ সমাধান কৰিবলৈ জিলা উপায়ুক্তৰ জৰিয়তে মুখ্য মন্ত্ৰীলৈ স্মাৰক পত্ৰ প্ৰেৰণ কৰে ৷
