কাজিৰঙা ৰাষ্ট্ৰীয় উদ্যানত উদ্ধাৰ মৃত ঢেকীয়াপতীয়া বাঘ

কাজিৰঙা ৰাষ্ট্ৰীয় উদ্যানত উদ্ধাৰ এটা প্ৰকাণ্ড ঢেকীয়াপতীয়া বাঘৰ মৃতদেহ ৷ উল্লেখ্য যে,প্ৰতিপক্ষৰ লগত হোৱা সংঘাতৰ ফলতেই প্ৰকাণ্ড ঢেকীয়াপতীয়া বাঘটোৰ মৃত্যু হয় ৷ এই কথা বন বিভাগৰ লোকে জানিবলৈ দিয়ে ৷

তেজপুৰ, 16 এপ্ৰিল :বৃহস্পতিবাৰে কাজিৰঙা ৰাষ্ট্ৰীয় উদ্যানৰ কঁহৰা ৰেঞ্জৰ মিহিমুখ বনশিবিৰৰ সমীপৱৰ্তী মিহি বিলৰ কাষত উদ্ধাৰ হৈছে এটা প্ৰকাণ্ড ঢেকীয়াপতীয়া বাঘৰ মৃতদেহ ৷ ৰাষ্ট্ৰীয় উদ্যানখনৰ কঁহৰা ৰেঞ্জৰ অধীনত থকা মিহিমুখ বনশিৱিৰৰ কাষত বনকৰ্মীয়ে প্ৰত্যক্ষ কৰে মৃত বাঘটো ৷

কাজিৰঙা ৰাষ্ট্ৰীয় উদ্যানত বনকৰ্মীয়ে উদ্ধাৰ কৰাৰ মূহুৰ্তত প্ৰকাণ্ড ঢেকীয়াপতীয়া বাঘটোৰ মৃতদেহ

প্ৰকাণ্ড ঢেকীয়াপতীয়া বাঘটোৱে প্ৰতিপক্ষৰ লগত হোৱা সংঘাতৰ ফলতেই মৃত্যু মুখত পৰে বুলি বন বিভাগৰ লোকে জানিবলৈ দিয়ে ৷ ইফালে কাজিৰঙাৰ ব্যাঘ্ৰ প্ৰকল্পৰ অধীনত থকা এই উদ্যানখনত চলিত বছৰৰ আৰম্ভণিৰ পৰাই বাঘৰ পাগ মাৰ্কৰ ওপৰত অধ্যয়ন চলি আছে ৷ আনহাতে ৰাষ্ট্ৰীয় উদ্যানখনৰ পৰিসংখ্যাৰ গণনাৰ কামো বৰ্তমান সমাপ্তি হোৱা নাই বুলি উদ্যান কৰ্তৃপক্ষই মত প্ৰকাশ কৰে ৷

লগতে পঢ়ক : বিশ্বনাথত মুখ্যমন্ত্ৰী সৰ্বানন্দ সোণোৱাল