ৰঙাপৰা, 25 ডিচেম্বৰ : শোণিতপুৰৰ চাৰিদুৱাৰত জব্দ তিনিখনকৈ শিল কঢ়িওৱা বাহন ৷ বন বিভাগক ৰাজহ ফাঁকি দি অবৈধ ভাৱে ক্ৰেচাৰৰ পৰা শিল কঢ়িয়াই অনা তিনিখনকৈ বাহন জব্দ কৰে বন বিভাগে ৷ বৃহস্পতিবাৰে দিনৰ ভাগতে চাৰিদুৱাৰ অঞ্চলৰ পৰা তেজপুৰ অভিমুখে গৈ থকা দুখন ডাম্পাৰ আৰু এখন ট্ৰেক্টৰ জিলা বন বিভাগে জব্দ কৰে ৷
জব্দকৃত বাহন কেইখনৰ নন্বৰ ক্ৰমে, AS-01 AC-9396, AS-12 AC-7090 আৰু AS-12 A-9972 ৷ জিলাখনৰ বন সুৰক্ষা বাহিনী আৰু চাৰিদুৱাৰ বনাঞ্চলিক বিষয়াৰ কাৰ্যালয়ৰ বন কৰ্মীসকলে অভিযান চলাই সন্দেহৰ ভিত্তিত গাড়ী তিনিখন ৰখাই যাৱতীয় নথি-পত্ৰ পৰীক্ষা কৰাৰ পিছত শিল কঢ়িয়াই অনাৰ কোনো নথি-পত্ৰ নোপোৱাত গাড়ী কেইখন জব্দ কৰে ৷
লগতে পঢ়ক: ড্ৰাগছৰ অবাধ ঘাটিলৈ ৰূপান্তৰিত হৈছে বৰপেটাঃ বৰপেটা আৰক্ষী
