তেজপুৰ,২৮ আগষ্টঃ তেজপুৰ বেবেজীয়া আৰক্ষীৰ অভিযানত জব্দ হ'ল নীতি বৰ্হিভূত ভাবে কঢ়িয়াই অনা ম’হ ৷ চাৰিখন গাড়ীত হোজাই আৰু লাওখোৱালৈ অবৈধভাৱে কঢ়িয়াই নিয়া হৈছিল ১২ টাকৈ ম'হ ৷ উল্লেখ্য যে, পৰ্বতীয়া আৰু বেচেৰীয়াৰ খুটিৰ পৰা এজন মধ্যভূগীৰ জৰিয়তে সৰবৰাহ কৰা হৈছিল এই ম'হ ৷ লাওখোৱা আৰু হোজাইৰ একাংশ ব্যৱসায়ীয়ে চালান নোহোৱাকৈ অতি কৌশলৰে ম'হকেইটা নি থকা অৱস্থাতে স্থানীয় ৰাইজে হাতে-লোটে ধৰা পেলাই বেবেজীয়া আৰক্ষীক গতাই দিয়ে ৷
তেজপুৰত জব্দ নীতি বৰ্হিভূত ভাবে কঢ়িয়াই অনা ম’হ
আনহাতে কিছুদিন পূৰ্বে গৰু কঢ়িয়াই নিয়া চাৰিখনকৈ বাহন ৰাইজে জব্দ কৰি বেবেজিয়া আৰক্ষীক গতাই দিছিল যদিও নিশাৰ ভিতৰতে অন্তৰ্ধান হৈছিল গৰু ভৰ্তি বাহন কেইখন ৷
