তেজপুৰ, ২১ ফেব্ৰুৱাৰী : শোণিতপুৰ জিলাৰ ঢেকিয়াজুলিৰ চপাই বালিগাঁৱত শনিবাৰে নিশা অচিনাক্ত দুৰ্বৃত্তই এগৰাকী মহিলা আৰু কিশোৰীক ঘপিয়াই হত্যা কৰাৰ অভিযোগ উত্থাপন হৈছে ৷ দুৰ্বৃত্তৰ দলটোৱে এটা গৃহ প্ৰৱেশ কৰি তিনিগৰাকী লোকৰ দুগৰাকীক ঘপিয়াই হত্যা কৰে ৷ ঘটনা সংঘটিত হোৱাৰ পাছৰে পৰা সন্ধানহীন হৈ আছে এগৰাকী কিশোৰী ৷ দুৰ্বৃত্তৰ দলটোৱে কিশোৰীগৰাকীক অপহৰণৰ কৰাৰ সন্দেহ কৰা হৈছে ৷
আৰক্ষীয়ে প্ৰকাশ কৰা অনুসৰি সন্ধানহীন কিশোৰীগৰাকীৰ মাতৃ জিলি ৰাভাক ঘপিওৱাৰ পাছত টি এম চি এইছত ভৰ্তি কৰোৱাৰ হয় যদিও চিকিৎসালয়ত মহিলাগৰাকীৰ মৃত্যু হয় ৷ আনহাতে চিকিৎসালয়ত বৰ্তমান চিকিৎসাধীন হৈ আছে চেৱা ৰাভা নামৰ শিশুটো ৷ সন্ধানহীন হৈ থকা কিশোৰীগৰাকী পূৰৱী ৰাভা বুলি জানিব পৰা হৈছে ৷ আৰক্ষী আৰু স্থানীয় ৰাইজে কিশোৰীগৰাকীৰ সন্ধানত অভিযান অব্যাহত ৰাখিছে ৷ সন্ধানহীন পূৰৱীয়ে পিন্ধা কাপোৰ পথাৰত পৰি থকা অৱস্থাত উদ্ধাৰ কৰা হৈছে ৷ মৃত জিলি ৰাভাৰ স্বামী মোহন ৰাভা কৰ্মসূত্ৰে মণিপুৰত থাকে ৷ অতি দৰিদ্ৰ পৰিয়ালটিয়ে কোনোমতে এটা জৰাজীৰ্ণ চালিৰ তলত বসবাস কৰিছিল ৷
লগতে পঢ়ক : কুশলে আছে কুইপ’ৰ দুই বিষয়া : পৰেশ বৰুৱা
