ৰঙাপৰা, ১৬ এপ্ৰিলঃ চাৰিদুৱাৰ আৰক্ষীৰ জালত পৰিল এজন চোৰ । বিগত দুদিন পূৰ্বে জীয়া ভৰালীৰ পাৰত অনুষ্ঠিত হোৱা অশোকাষ্টমী মেলাৰ পৰা চুৰি হৈছিল এখন বাইক । মেলা চাবলৈ অহা এগৰাকী লোকে পথৰ কাষত ৰখাই থোৱা অৱস্থাতে বাইকখন চুৰি হোৱা বুলি আৰক্ষীৰ ওচৰত অভিযোগ প্ৰদান কৰিছিল ।
চুৰি বাইকসহ ৰঙাপৰাত আৰক্ষীৰ জালত পৰিল চোৰ
লোকজনৰ অভিযোগৰ ভিত্তিত আৰক্ষীয়ে অভিযান চলাই চুৰি হোৱা বাইকসহ এজন চোৰক আটক কৰিবলৈ সক্ষম হৈছে । ধৃত চোৰজন প্ৰশান্ত পেগু বুলি জানিব পৰা গৈছে আৰু চোৰজনৰ জিম্মাৰ পৰা AS 12 M 2901 নম্বৰৰ বাইকখন উদ্ধাৰ কৰা হৈছে । যোৱা নিশা এক গোপন সূত্ৰৰ পম খেদি বাইকসহ চোৰজনক আটক কৰিবলৈ সক্ষম হয় আৰক্ষীয়ে । ধৃত চোৰজনৰ ঘৰ চাৰিদুৱাৰৰ ধাৰিকাটিত বুলি জানিব পৰা গৈছে ।
