তেজপুৰ,15 জুলাইঃ অসমৰ বান আৰু গৰাখহনীয়াক ৰাষ্ট্ৰীয় সমস্যা হিচাপে ঘোষণা কৰি অসমৰ প্ৰতি থকা কেন্দ্ৰীয় চৰকাৰৰ দায়বদ্ধতাৰ পৰিচয় দিয়াৰ আহ্বান আছুৰ মুখ্য উপদেষ্টা ডঃ সমুজ্জল কুমাৰ ভট্টাচাৰ্যৰ । সোমবাৰে বিয়লি তেজপুৰ আছুৰ কাৰ্যালয়ত অনুষ্ঠিত এক সংবাদ মেলত এই মন্তব্য কৰে ভট্টাচাৰ্যই ৷ লগতে বান আৰু গৰাখহনীয়াই অসমৰ অৰ্থনৈতিক ভেটি চূৰমাৰ কৰা বুলি অভিহিত কৰি ইয়াক ৰাষ্ট্ৰীয় সমস্যা হিচাপে ঘোষণাৰ দাবীত আছু বৰ্তমানেও অটল বুলি মন্তব্য কৰে উপদেষ্টা গৰাকীয়ে ।
আনহাতে, 2005 ৰ মে'ত তদানীন্তন প্ৰধানমন্ত্ৰী ড0 মনমোহন সিঙৰ অধ্যক্ষতাত আছুৰ লগত হোৱা ত্ৰিপাক্ষিক আলোচনাত অসমৰ বান সমস্যাক ৰাষ্ট্ৰীয় সমস্যা হিচাপে গণ্য কৰাৰ সিদ্ধান্ত গ্ৰহণ কৰিছিল বুলিও মন্তব্য কৰে ৷ লগতে 2014 ৰ 7 এপ্ৰিলত বাতৰি কাকতত অসমৰ ৰাইজৰ আগত প্ৰতিশ্ৰুতি দিয়ে যদিও ক্ষমতা লৈ অহাৰ পাছত কাৰ্যকৰী নকৰাৰ ফলতে অসমৰ ৰাইজে ৰাইজে দুৰ্ভোগ ভুগিব লগা হৈছে বুলিও মন্তব্য কৰে ।
