ৰঙাপৰা, 24 মাৰ্চ: শোনিতপুৰ জিলাৰ চাৰিদুৱাৰ আৰক্ষী থানাৰ অন্তৰ্গত চপালগা গাঁৱত বুধবাৰে সংঘটিত হয় এক লোমহৰ্ষক হত্যাকাণ্ডৰ ঘটনা । চপালগা গাঁৱৰে চিভিল কোঁচ নামৰ এজন ব্যক্তিয়ে ভুমিধৰ কোঁচ নামৰ এজন ব্যক্তিক দাৰে ঘপিয়াই হত্যা কৰে । সীমাবিবাদক কেন্দ্ৰ কৰি সৃষ্টি হোৱা সংঘাতৰ পৰিণতিতে উক্ত হত্যাকাণ্ডটো সংঘটিত হোৱা বুলি জানিব পৰা গৈছে ।
![rangapara-murder](https://etvbharatimages.akamaized.net/etvbharat/prod-images/11140386_charid.jpg)
ইতিমধ্যে চাৰিদুৱাৰ আৰক্ষীয়ে হত্যাকাৰী চিভিল কোঁচক আটক কৰিছে । আৰক্ষীয়ে অভিযুক্তক আটক কৰাৰ লগতে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে ৷