চতিয়া, 30এপ্ৰিল: চতিয়াৰ দক্ষিণ অঞ্চলৰ কেইজনমান উদীয়মান যুৱকৰ একক প্ৰচেষ্টাত প্ৰয়াস-এটি প্ৰচেষ্টা নামৰ এটি বেচৰকাৰী সংস্থাৰ জন্ম হৈছিল 2019 চনত ৷ চতিয়াৰ সিপৰীয়া অঞ্চলৰ শিক্ষিত যুৱক কেইজনে প্ৰতিমাহে নিজ উপাৰ্জনৰ এটা অংশ সংগঠনৰ পুজিত জমা কৰি আহিছে ৷ সংস্থাটোৰ সদস্যসকলে সংগৃহীত ধনেৰে দীৰ্ঘদিনৰ পৰা অঞ্চলটোৰ জনহিতৰ বাবে বিভিন্ন সময়ত কাম কৰি আহিছে ৷
"প্ৰয়াস-এটি প্ৰচেষ্টা"ই চতিয়াত বিতৰণ কৰিলে বস্ত্ৰ
এইবেলিও সংস্থাটোৱে অঞ্চলটোৰ 1নং আধাভেটি,ভোজমাৰী আদি গাঁৱত শতাধিক দৰিদ্ৰ পৰিয়ালৰ মাজত বস্ত্ৰ বিতৰণ কৰি ঈদউল ফিতৰৰ শুভেচ্ছা জ্ঞাপন কৰে ৷ সংস্থাটোৰ এনে পদক্ষেপক অঞ্চলটোৰ স্থানীয় লোকসকলে শলাগ লোৱাৰ লগতে এনে অনুষ্ঠানে উঠি অহা প্ৰজন্মৰ মাজত ভাতৃত্ববোধ জগাব বুলিও উল্লেখ কৰে ৷
