তেজপুৰ,15 জুন: শোণিতপুৰত সেনা-আৰক্ষীৰ যুটীয়া অভিযানত আটক হৈছে এগৰাকী দুৰ্ধৰ্ষ এনডিএফবি(সং)ৰ সদস্য ৷ ধৃত সদস্যজনৰ পৰা অভিযানকাৰী দলটোৱে উদ্ধাৰ কৰিবলৈ সক্ষম হৈছে পিষ্টলসহ গ্ৰেনেড ৷ আটক হোৱা উগ্ৰপন্থী সদস্যজন চুমখৰ বড়ো ওৰফে শিৱ বসুমতাৰী ওৰফে সুজলান ৷ 2014 চনত শোণিতপুৰৰ ঢেকিয়াজুলিত সংঘটিত আদিবাসী নৰসংহাৰৰ ঘটনাত জড়িত আছিল এইগৰাকী উগ্ৰপন্থী সদস্য ৷
উল্লেখ্য যে, নিয়াৰ এক গোচৰত মষ্ট ৱাণ্টেড হিচাপে স্বীকৃত উগ্ৰপন্থী সদস্যগৰাকী ঢেকিয়াজুলিৰ ঘটনাত জড়িত নথকাৰ দাবী উত্থাপন কৰে ৷ বৰং উক্ত সময়ত সদস্যগৰাকী কাৰাগাৰত আৱদ্ধ আছিল বুলি প্ৰকাশ কৰে ৷ আনহাতে,উদ্ধাৰ হোৱা পিষ্টল আৰু গ্ৰেনেডটো সেই সময়তে উগ্ৰপন্থী গৰাকীৰ হাতৰ পৰা উদ্ধাৰ কৰি আৰক্ষীৰ জিম্মাত ৰখা হৈছিল বুলি স্বীকাৰোক্তি প্ৰকাশ কৰে সুজলানে ৷ উগ্ৰপন্থী গৰাকীৰ ভাষ্যক কেন্দ্ৰ কৰি এতিয়া সমগ্ৰ বিষয়টো ৰহস্যৰ আৱৰ্তত সোমাই পৰা পৰিলক্ষিত হৈছে ৷
লগতে চাওকঃ বাঘজান ট্ৰেজেডী : জুই নিয়ন্ত্ৰণৰ বাবে আগবাঢ়ি আহিল ভাৰতীয় সেনা
