তেজপুৰ, 31 জানুৱাৰী : কাজিৰঙা ৰাষ্ট্ৰীয় উদ্যানত শনিবাৰে নিশাৰ ভাগত সংঘটিত হয় এক অঘটন । গঁড়ৰ আক্ৰমণত নিহত হয় কৰ্তব্যৰত অৱস্থাত থকা মহেশ্বৰ হাজৰিকা নামৰ এগৰাকী বনকৰ্মী ৷ কাজিৰঙা ৰাষ্ট্ৰীয় উদ্যানৰ অন্তৰ্গত অগৰাতলী ৰেঞ্জত সংঘটিত হয় এই ঘটনা ৷ কৰ্তব্যৰত অৱস্থাতে হঠাৎ গঁড়ে আক্ৰমণ কৰে বন কৰ্মীজনক ৷
ততাতৈয়াকৈ চিকিৎসালয়ত ভৰ্তি কৰোৱা হয় যদিও চিকিৎসকে মৃত বুলি ঘোষণা কৰে বনকৰ্মী হাজৰিকাক । ৰাষ্ট্ৰীয় উদ্যানৰ সঞ্চালক পি শিৱ কুমাৰে জনোৱা মতে, কাজিৰঙা ৰাষ্ট্ৰীয় উদ্যানৰ অন্তৰ্গত অগৰাতলী ৰেঞ্জৰ চিগা নামৰ অঞ্চলত দায়িত্ব পালন কৰি থকাৰ সময়তে গঁড়ে আক্ৰমণ কৰিছিল বন কৰ্মীজনক ।
লগতে পঢ়ক: অইলৰ দুই অপহৃত বিষয়াক লৈ আলফা(স্বা)ৰ প্ৰেছ বিবৃতি
