তেজপুৰ, 14 ছেপ্টেম্বৰ : কাজিৰঙা ৰাষ্ট্ৰীয় উদ্যানৰ 17 গৰাকী আগশাৰীৰ বিষয়াক ৰাষ্ট্ৰীয় উদ্যানত তিনিদিনীয়া দ্ৰোণৰ প্ৰশিক্ষণ দিয়া হৈছে ৷ ৰাষ্ট্ৰীয় উদ্যানৰ ভিতৰত চোৰাং চিকাৰী ৰোধ কৰিবলৈ উদ্যান কৰ্তৃপক্ষই এই বিশেষ ব্যবস্থা হাতত লৈছে ৷
উল্লেখ্য যে,অসমৰ বন বিভাগে 2018 চনতে দ্ৰোণ ব্যৱহাৰ কৰিছিল আৰু 2019 চনতে ৰাষ্ট্ৰীয় উদ্যানত এই দ্ৰোণ ব্যৱহাৰ কৰি কৃতকার্য লাভ কৰিছিল । ৰাষ্ট্ৰীয় উদ্যানৰ সঞ্চালক পি শিৱ কুমাৰে ইটিভি ভাৰতক জনায় যে,তিনিখন অত্যাধুনিক প্ৰযুক্তিৰ নতুন দ্ৰোণ বৰ্তমান ৰাষ্ট্ৰীয় উদ্যানত অনা হয় ৷ ইয়াৰ আগতে দ্ৰোণ আছিল যদিও এয়া নতুন প্ৰযুক্তিৰ বুলি তেওঁ জানিবলৈ দিয়ে ।
কাজিৰঙা ৰাষ্ট্ৰীয় উদ্যানৰ পাশ্ববৰ্তী 6 ষষ্ঠ সংযোজন আৰু শোণিতপুৰ জিলাৰ নামেৰী ৰাষ্ট্ৰীয় উদ্যান সামৰি এই দ্ৰোণ ব্যৱহাৰ কৰা হৈছে । ইতিমধ্যে,ব্যৱহাৰিক আৰু কাৰিকৰী দিশত প্ৰশিক্ষণ সোমবাৰে ৰাষ্ট্ৰীয় উদ্যানত সমাপ্ত কৰা হয় ।
উল্লেখযোগ্য যে,ইয়াৰ আগতে ৰাষ্ট্ৰীয় উদ্যানৰ চোৰাং চিকাৰী ৰোধ কৰিবলৈ UAV (Unman Aerial Vehicle) ব্যৱহাৰ কৰা হৈছিল যদিও সুৰক্ষাৰ বাবে এই ব্যৱস্থা স্থগিত কৰা হৈছে । ৰাষ্ট্ৰীয় উদ্যানৰ তিনিটা সংমণ্ডলত এই দ্ৰোণ ব্যৱহাৰ কৰা হ'ব । কহৰা,বাগিৰী,বুঢ়াপাহাৰ,আগৰাতলি ৰেঞ্জ সামৰি লোৱা এই প্ৰশিক্ষণ ।
উল্লেখ্য যে,ইষ্টাৰ্ণ ৰেঞ্জৰ 11 গৰাকী,নগাঁও বন্য প্ৰাণী সংমণ্ডলৰ 2 গৰাকী আৰু বিশ্বনাথ সংমণ্ডলৰ 4 গৰাকী বিষয়াক এই প্ৰশিক্ষণ প্ৰদান কৰা হৈছে ।
লগতে পঢ়ক : নিজস্ব জাতিগত প্ৰমাণ পত্ৰ দিয়াৰ দাবীত আদিবাসী ছাত্র সন্থাৰ প্ৰতিবাদ
