কংগ্ৰেছৰ দৰে দুৰ্নীতিগ্ৰস্ত কোনো দল নাইঃ পল্লৱলোচন দাস

অসমীয়াৰ আবেগ, অনুভূতিক প্ৰতিনিধিত্ব কৰিব পৰাকৈ এম জি ভি কে ভানুৰ কোনো অনুভৱ নাই ৷ শুকুৰবাৰে তেজপুৰত উপস্থিত হৈ সংবাদমেলত এই মন্তব্য কৰে তেজপুৰ সমষ্টিৰ বিজেপিৰ প্ৰাৰ্থী পল্লৱ লোচন দাসে ৷

শোণিতপুৰ, 29 মাৰ্চঃআক্ৰমণ-প্ৰত্যাক্ৰমণেৰে ক্ষমতা দখলৰ দৌৰত লোকসভাত প্ৰতিদ্বন্দিতা আগবঢ়োৱা ইজনৰ পাচত সিজন প্ৰাৰ্থী ৷ কংগ্ৰেছৰ দৰে দুৰ্নীতিগ্ৰস্ত কোনো দল নাই ৷ অসমীয়াৰ আবেগ অনুভূতিক প্ৰতিনিধিত্ব কৰিব পৰাকৈ এম জি ভি কে ভানুৰ কোনো অনুভৱ নাই ৷

শুকুৰবাৰে তেজপুৰত উপস্থিত হৈ এনেদৰে কংগ্ৰেছ দল তথা তেজপুৰৰ কংগ্ৰেছ প্ৰাৰ্থী এম জি ভি কে ভানুক আক্ৰমণ কৰে সমষ্টিটোৰ বিজেপি দলৰ প্ৰাৰ্থী পল্লৱলোচন দাসৰ ৷ লগতে পূৰ্বৰ দৰেই গোৰ্খা সম্প্ৰদায়ৰ লোকে তেওঁক সমৰ্থন জনাব বুলি আশা ব্যক্ত কৰে পল্লৱলোচন দাসে ৷

ইপিনে আৰ পি শৰ্মা সম্পৰ্কত মত প্ৰকাশ কৰি ৰাম প্ৰসাদ শৰ্মাই তেওঁক যথেষ্ট মৰম কৰাৰ লগতে দলৰ জ্যেষ্ঠ নেতা হিচাপে আগতেও বহুতো পৰামৰ্শ দি আহিছে বুলি মন্তব্য কৰে বিজেপি দলৰ প্ৰাৰ্থীগৰাকীয়ে ৷