ঢেকিয়াজুলিত শোকাৱহ পথ দুৰ্ঘটনা

তীব্ৰবেগী টাটা ডি আই গাড়ীয়ে মহতিয়াই নিয়ে দুই ভ্ৰাতৃক ।

তেজপুৰ, 27 এপ্ৰিল: ঢেকিয়াজুলিৰ নাৰায়নপুৰত শোকাৱহ পথ দুৰ্ঘটনা | থিতাতে নিহত দুজন ।

উল্লেখ্য যে,হাজিৰা কৰি ঘৰলৈ ঘুৰি আহোতে AS-25BC-2420 নম্বৰৰ তীব্ৰবেগী টাটা ডি আই গাড়ীখনে মহতিয়াই নিয়ে দুই চাইকেল আৰোহীক । দুৰ্ঘটনাত থিতাতে নিহত হয় দুয়োজন লোক | নিহত দুয়োজন লোক সম্বন্ধত ভায়েক-ককায়েক বুলি জানিব পৰা গৈছে | নিহত এজনৰ নাম হৰি চেত্রী,বুলি জানিব পৰা গৈছে যদিও আনজনৰ নাম এতিয়ালৈ জানিব পৰা হোৱা নাই | ঘটনাস্থলীত স্থানীয় ৰাইজ উপস্থিত হৈ দুৰ্ঘটনাটিৰ খবৰ আৰক্ষীক অৱগত কৰে । ঘটনাস্থলীত আৰক্ষী লোক উপস্থিত হৈ নিহত লোক কেইজনক মৰণোত্তৰ পৰীক্ষাৰ বাবে ঢেকিয়াজুলি অসামৰিক চিকিৎসালয়লৈ প্ৰেৰণ কৰে ।

অধিক জানিবলৈ- বদৰপুৰত ভয়াৱহ অগ্নিকাণ্ডঃ জুইত জাহ গ'ল লক্ষাধিক টকাৰ সম্পত্তি