তেজপুৰ, ১ জানুৱাৰী: কালৰ বুকুত হেৰাই গ'ল শুভেচ্ছা জ্ঞাপন কৰা পত্ৰ তথা হেঁপাহৰ শুভেচ্ছা কাৰ্ড । এতিয়া সহজে উপলব্ধ নহয় এসময়ত বহুলভাৱে প্ৰচলিত আপোনজনে প্ৰেৰণ কৰা হেঁপাহৰ গ্ৰিটিংছ কাৰ্ড । এই কাৰ্ড বহুল প্ৰচলিত প্ৰথম শুভেচ্ছা কাৰ্ড ৷ এইবোৰ পেপিৰাছত লিখা হৈছিল, যিটো ডাঠ কাগজৰ দৰে আদিম পদ্ধতিৰে লিখা আৰু স্ক্ৰলত বান্ধি থোৱা হৈছিল ।
কাৰ্ড বনোৱা আৰু বিনিময়ৰ প্ৰথা আচলতে বহু শতিকা আগৰ । ইতিহাসবিদসকলে নিশ্চিত কৰিছে যে এইবোৰ জাৰ্মানীত ১৪০০ চনৰ আশে-পাশে তৈয়াৰ কৰা হৈছিল । নৱবৰ্ষ উদযাপনৰ বাবে সদিচ্ছাৰ বাৰ্তা আদান-প্ৰদান কৰি শুভেচ্ছা কাৰ্ড পঠোৱাৰ প্ৰথা প্ৰাচীন চীনাসকলৰ পৰা আৰু পেপিৰাছৰ পুস্তকত শুভেচ্ছা জনোৱা আদিম মিচৰীয়াসকলৰ পৰাই প্ৰচলিত হোৱা বুলি অনুমান কৰিব পাৰি । ১৫ শতিকাৰ আৰম্ভণিতে ইউৰোপত হাতেৰে নিৰ্মিত কাগজৰ জৰিয়তে শুভেচ্ছা কাৰ্ডৰ বিনিময় আৰম্ভ হৈছিল ।
এটা সময়ত ভাৰতবৰ্ষত এই কাৰ্ডৰ বহুল প্ৰচলন আছিল । প্ৰায় ১৯৭০ দশকৰ পৰা একবিংশ শতিকাৰ প্ৰথম ভাগলৈ অসমত নৱবৰ্ষৰ শুভেচ্ছা জ্ঞাপন কৰা এই কাৰ্ডৰ যথেষ্ট পৰিমাণে প্ৰচলন আছিল। পিচে এতিয়া এই কাৰ্ড প্ৰচলন নোহোৱা হ'ল ৷
ম'বাইল ফোনৰ প্ৰচলনৰ লগে লগেই ইজনে সিজনক লগ পোৱাটো অতি সহজ হৈ পৰিল ৷ দেশ বিদেশৰ লোকক ঘৰতে বহি যোগাযোগ কৰিবলৈ সুবিধা পোৱাৰ লগতে ভাবৰ আদান প্ৰদান সহজ হৈ পৰিল আৰু নতুন বছৰ বা বিভিন্ন সময়ৰ শুভেচ্ছা জ্ঞাপন কৰিব পৰা হ’ল । অতীত হৈ পৰিল সেই ৰঙীন কলমৰে লিখি নিজৰ আপোনজনলৈ শুভেচ্ছা বাৰ্তা প্ৰেৰণ কৰা সেই হেঁপাহৰ কাৰ্ডখন ।
গ্ৰিটিং কাৰ্ড হ'ল সাধাৰণতে চিত্ৰ বা ফটোৰ সৈতে উপলব্ধ, উচ্চমানৰ কাগজৰ পৰা তৈয়াৰ কৰা, য'ত বন্ধুত্ব বা অন্যান্য লোকৰ আৱেগৰ কথা প্ৰকাশ থাকে । যদিও সাধাৰণতে জন্মদিন, বৰদিন বা আন বন্ধৰ দিন আদি বিশেষ অনুষ্ঠানত গ্ৰিটিং কাৰ্ড দিয়া হয়, তথাপিও ধন্যবাদ জনোৱা বা অন্যান্য অনুভৱ প্ৰকাশৰ বাবেও প্ৰেৰণ কৰা হয় (যেনে শোক বা অসুস্থতাৰ পৰা সুস্থ হোৱাৰ বাবেও শুভেচ্ছা) প্ৰদান কৰা হয় ।
গ্ৰিটিং কাৰ্ড সাধাৰণতে ৰঙীন খাম ব্যৱহাৰ কৰি পেকেজ কৰা হয় আৰু বিভিন্ন ধৰণৰ শৈলীত পোৱা যায় । গণ-উৎপাদিত আৰু হাতেৰে নিৰ্মিত দুয়োটা সংস্কৰণ উপলব্ধ আৰু ইয়াক সৰু-বৰ শ শ কোম্পানীয়ে বিতৰণ কৰিব পাৰে । সাধাৰণতে সস্তা হ'লেও, ডাই-কাট, পপ-আপ, শব্দ উপাদান বা আঠাযুক্ত সজ্জাৰ সৈতে অধিক বিশৃংখল কাৰ্ড অধিক খৰচী হ'ব পাৰে ।
আমেৰিকা যুক্তৰাষ্ট্ৰৰ হলমাৰ্ক কাৰ্ড আৰু আমেৰিকান গ্ৰীটিং দুয়োটা কোম্পানীয়ে আজি বিশ্বৰ ভিতৰতে গ্ৰিটিং কাৰ্ডৰ সৰ্ববৃহৎ উৎপাদনকাৰী ৷
পশ্চিমীয়া দেশসমূহত আৰু ক্ৰমান্বয়ে আন সমাজত বহু লোকে পৰম্পৰাগতভাৱে ডিচেম্বৰ মাহত নিজৰ বন্ধু-বান্ধৱ আৰু আত্মীয়-স্বজনলৈ ঋতুভিত্তিক থিমৰ কাৰ্ড মেইল কৰে । অৱশ্যে যদিও এই কাৰ্ডৰ প্ৰচলন সৰু চহৰসমূহত নাইকিয়া হৈ পৰিছে তথাপি বিভিন্ন ঠাইত কিছুমান গেলাৰীৰ কাৰ্ড আজিও পোৱা যায় । কম্পিউটাৰৰ জৰিয়তে নিৰ্মাণ কৰা ডিজিটেল কাৰ্ড বৰ্তমান ইজনে-সিজনক শুভেচ্ছা জ্ঞাপন কৰাৰ প্ৰথা চলি আছে । কিন্ত সেই যে হেঁপাহৰ কাৰ্ডখন ডাকোৱালজনে আহি দি যোৱা ব্যৱস্থাটো, সেয়া আধুনিকতাৰ ধামখুমীয়াত নাইকিয়া হৈ পৰিল ।
লগতে পঢ়ক: সময়ৰ পৃষ্ঠাত মেলানি মাগিব আৰু এটা বছৰে, পাহৰণি গৰ্ভলৈ গতি কৰিছে গ্ৰীটিংছ কাৰ্ডে
