চতিয়া,৭ জুন: চতিয়া সমষ্টিৰ অন্তৰ্গত মনাই চাহ বাগিচাত সোমবাৰে নদুৱাৰ শাখা আটছাৰ উদ্যোগত শ্বহীদ দিৱস পালন ৷ নদুৱাৰ শাখা আটছাৰ সম্পাদক গ্ৰীনন্দৰ কুৰ্মীয়ে আঁত ধৰা অনুষ্ঠানটিত সংগঠনৰ পতাকা উত্তোলন কৰে কেন্দ্ৰীয় আটছাৰ প্ৰচাৰ সম্পাদক মিন্টু ভুমিজে । বিশ্বনাথ জিলা আটছাৰ শিক্ষা ও সাহিত্য সম্পাদক অবিনাশ ৰাজৱাৰে অংশ গ্ৰহণ কৰা শ্বহীদ দিৱস অনুষ্ঠানৰ শ্বহীদ তৰ্পণ কৰে নদুৱাৰ শাখা আটছাৰ ভাৰপ্ৰাপ্ত সভাপতি ৰাধেশ্যাম তাঁতীয়ে ।
সম্পূৰ্ণ ক'ভিড বিধি পালন কৰি মনাই চাহ বাগিচাৰ শ্ৰমিক বিনোদন ভৱন প্ৰাংগণত নদুৱাৰ আটছাৰ শ্বহীদ দিৱস উপলক্ষে বৃক্ষ ৰোপন কাৰ্যসূচীও সম্পন্ন কৰে । অনুষ্ঠানত নদুৱাৰ শাখা আটছাৰ উপসভাপতি লক্ষীনাথ ভূঞা, সাংগঠনিক সম্পাদক সঞ্জয় কুৰ্মীসহ দিকৰাই উপ-শাখা আটছাৰ সভাপতি ভগত তাঁতী, বিত্ত সম্পাদক কেশৱ ভুমিজৰ লগতে কেইবাগৰাকী আটছা কৰ্মী উপস্থিত থাকে ।
লগতে পঢ়ক: কলগাছিয়াত পথ নিৰ্মাণৰ নামত দুৰ্নীতি
