আমগুৰি, ৭ ফেব্ৰুৱাৰী: শিৱসাগৰ জিলাৰ বৃহৎ চামগুৰি অঞ্চলৰ অগ্ৰণী শিক্ষানুষ্ঠান "চামগুৰি উচ্চ মাধ্যমিক বিদ্যালয়ৰ" প্ৰাক্তন প্ৰধান শিক্ষক তথা সু-লেখক প্ৰয়াত গোলাপ লাহনৰ স্মৃতিত এখনি স্মৃতিচাৰণ সভা অনুষ্ঠিত কৰা হয় । গোলাপ লাহনৰ নিজা বাসগৃহত দেওবাৰে অনুষ্ঠিত কৰা হয় এই সভাখন ।
প্ৰাক্তন শিক্ষক তথা বিশিষ্ট কবি বুদ্ধেশ্বৰ শেনচোৱাই বন্তি প্ৰজ্বলনেৰে সভাখনৰ আৰম্ভণি কৰা সভাত সভাপতিত্ব কৰে চামগুৰি উচ্চ মাধ্যমিক বিদ্যালয়ৰ প্ৰধান শিক্ষক চন্দন গগৈয়ে । সভাত উপস্থিত থাকে গুৱাহাটী উচ্চ ন্যায়ালয়ৰ অধিবক্তা চন্দ্ৰ বৰুৱা, বিশিষ্ট নিবন্ধকাৰ মছউদুল হক, ৰাইজৰ দলৰ শিৱসাগৰ জিলাৰ সম্পাদক মুজিদ আলি, শশাংক গগৈৰ লগতে কেইবাজনো বিশিষ্ট ব্যক্তি আৰু স্থানীয় ৰাইজ ।
উল্লেখ্য যে, উক্ত সভাতে মন্টু গগৈৰ সম্পাদনাৰ "সুগন্ধি গোলাপ" শীৰ্ষক এখনি স্মৰণিকা উন্মোচন কৰা হয় ।
লগতে পঢ়ক:আমগুৰিত কংগ্ৰেছৰ বিশাল গণ সমাৱেশ
