শিৱসাগৰ,14 ফেব্ৰুৱাৰীঃ 2021 ৰ অসম বিধানসভা নিৰ্বাচনৰ ৰণডংকা বজাবলৈ দেওবাৰে শিৱসাগৰত উপস্থিত হৈছে কংগ্ৰেছৰ যুৱ নেতা ৰাহুল গান্ধী ৷ কংগ্ৰেছৰ যুৱ নেতাগৰাকীক আদৰিবলৈ ব্যস্ত হৈ পৰিছে কংগ্ৰেছ দল ৷ শিৱসাগৰ নগৰৰ বৰ্ডিং খেলপথাৰৰ এক বিশাল জনসভাত অংশ ল’ব কংগ্ৰেছৰ যুৱ নেতাগৰাকীয়ে ৷ গান্ধীয়ে "অসম বচাও আহক" শীৰ্ষক এক দলীয় সভাত অংশ লৈ নিৰ্বাচনী ৰণডংকা বজাব ৷
২০২১ৰ নিৰ্বাচনত ৰণডংকা বজাবলৈ শিৱসাগৰত উপস্থিত ৰাহুল গান্ধী
কংগ্ৰেছী নেতাগৰাকীৰ অসম আগমনে 2021 ৰ নিৰ্বাচনত বিশেষ প্ৰভাৱ নেপেলোৱাৰ অনুমান প্ৰকাশ কৰা হৈছে ৷ কিয়নো পূৰ্বতেই কংগ্ৰেছে শিৱসাগৰত নিজৰ ভেঁটি সু-দৃঢ় কৰি ৰাখিছে ৷ যাক লৈ বিশেষ চিন্তিত নহয় দলটো ৷ ৰাহুল গান্ধীৰ অসম ভ্ৰমণৰ প্ৰাকক্ষণত এই মন্তব্য কৰিছে কংগ্ৰেছৰ সুশান্ত বৰগোঁহাইয়ে ৷ আনকি এই সভাৰ পৰাই ভাৰতীয় জনতা দলক কটু সমালোচনা কৰে কংগ্ৰেছী নেতা বৰগোঁহাইয়ে ৷
