মৰাণ, 10 ফেব্ৰুৱাৰী : শ্ৰীমন্ত শংকৰদেৱ সংঘৰ ৯১ তম বাৰ্ষিক অধিবেশন নাহৰকটীয়াৰ (Srimanta Shankardev Sangha's Naharkatia adhibexon) ৰাঙলীপথাৰৰ ককা বাগ্মীবৰ নীলমণি ফুকন ক্ষেত্ৰত অহা ২৫, ২৬ আৰু ২৭ ফেব্ৰুৱাৰীত অনুষ্ঠিত হ'ব । পূৰ্বতে এই অনুষ্ঠান চলিত মাহৰ প্ৰথম সপ্তাহত অনুষ্ঠিত হোৱাৰ কথা আছিল যদিও ক'ভিড পৰিস্থিতিৰ বাবে পিছুৱাই দিয়া হৈছিল এই কাৰ্যসূচী (Srimanta Shankardev Sangha's adhibexon rescheduled) ।
আদৰণি সমিতিয়ে ইতিমধ্যেই ইয়াৰ বাবে যাৱতীয় কামকাজ দ্ৰুতগতিত আগুৱাই নি এই পৰ্যন্ত সম্পূৰ্ণ কৰিছে প্ৰায় ৬০% কাম । ক'ভিড পৰিস্থিতি হ্ৰাস পোৱাৰ ফলত এতিয়া সম্পূৰ্ণ পূৰ্ণাংগ ৰূপত এই অনুষ্ঠান অনুষ্ঠিত হ'ব বুলি আয়োজক সমিতিয়ে জানিবলৈ দিছে ৷ লগতে অহা ২৩ তাৰিখৰ পৰাই অনুষ্ঠানভাগিত অনুষ্ঠিত কৰা হ'ব এখনি গ্রন্থমেলা (Book fair in Srimanta Shankardev Sangha's adhibexon) ।
প্ৰায় ৩০ লাখ ভক্তৰ সমাগম হ'ব বুলি মন্তব্য কৰা আদৰণি সমিতিয়ে যুদ্ধকালীন তৎপৰতাৰে সাজু কৰি উলিয়াইছে একেলগে চাৰি হাজাৰ ভকতে খাব পৰা খাদ্যগৃহৰ লগতে ১৪০ টাকৈ চৌকা ।
আনহাতে, মুখ্যমন্ত্ৰীকে ধৰি বিভিন্ন ক্ষেত্ৰৰ শতাধিক বিশিষ্ট ব্যক্তি উপস্থিত থাকিবলগীয়া এই অনুষ্ঠানত অধিৱেশনলৈ অহা ভকত বৈষ্ণৱক প্ৰয়োজন অনুসাৰে ক'ভিড টীকাকৰণৰ ব্যৱস্থাও কৰা হ'ব বুলি জানিবলৈ দিছে উদ্যোক্তা সকলে ।
লগতে পঢ়ক : কিয় ৰাজনৈতিক দলতলৈ ব্যক্তিক হে বেছি প্ৰাধান্য দিয়াৰ কথা ওলাল ভৱেশ কলিতাৰ মুখত ?
