আমগুৰি ২৩ মে': শিৱসাগৰৰ গৌৰীসাগৰত এগৰাকী যুৱতীৰ দেহত COVID-19 ৰ উপস্থিতি । গৌৰীসাগৰৰ নকটানিত ঘৰ যুৱতীগৰাকীৰ । কৰ'ণাত আক্ৰান্ত ২১ বছৰীয়া যুৱতী গৰাকী কলকাতাৰ ব্যক্তিগত কোম্পানীত কৰ্মৰত । বিগত ১৯ মে' ত অসম উপস্থিত হোৱা পাচৰে পৰা যোৰহাটৰ কোৱাৰেন্টাইন চেন্টাৰত ৰখা হৈছিল যুৱতী গৰাকীক ।
আনহাতে, শিৱসাগৰ আমগুৰিত কোৱাৰেন্টাইন কেন্দ্ৰত আছে বহিঃৰাজ্যত কৰ্মৰত ২০ জনৰো অধিক যুৱক । আমগুৰিৰ দোপদৰ, দেওধাই, বৰাহীবাৰী, চাওদাং, ডিমৌ আদি অঞ্চলৰ এই যুৱকসকল । লক ডাউনৰ সময়ছোৱাত তেলেংগানা, হায়দৰাবাদত কৰ্মৰত এই যুৱকসকল নিজ ৰাজ্যলৈ ঘূৰি আহে ।
এই যুৱকসকলক আমগুৰি সামূহিক চিকিৎসালয় আৰু আমগুৰি আউনীআটী হেমচন্দ্ৰদেৱ উচ্চতৰ মাধ্যমিক বিদ্যালয়ত স্থাপন কৰা কোৱাৰেন্টাইন চেণ্টাৰত ৰখা হয় বুলি জানিবলৈ দিয়ে । তাৰোপৰি বহিঃৰাজ্যৰ পৰা অহা এইসকলক আদৰণি জনোৱাৰ লগতে সকলোকে সহযোগ কৰিবলৈ আহ্বান জনায় জিলা প্ৰশাসনে ।
