আমগুৰি, ২৯ এপ্ৰিল : বৃহস্পতিবাৰে শিৱসাগৰ জিলাৰ আমগুৰিত এক শোকাৱহ দুৰ্ঘটনা সংঘটিত হয় । আমগুৰিৰ ৬১ নং ৰাষ্ট্ৰীয় ঘাইপথত ট্ৰেক্টৰ, ট্ৰাক আৰু টেম্পোৰ মাজত সৃষ্টি হয় ভয়ংকৰ সংঘৰ্ষ । এই ভয়াৱহ দুৰ্ঘটনাত প্ৰাণ হেৰুৱায় এগৰাকী মহিলাই । নিহত মহিলাগৰাকী টীয়ক কলিয়াপানীৰ চকনি বেগম বুলি জানিব পৰা গৈছে ।
আনহাতে, এই দুৰ্ঘটনাত টেম্পোখনত থকা আন দুগৰাকী মহিলা যাত্ৰী গুৰুতৰভাৱে আহত হয় । আহত মহিলা দুগৰাকী হৈছে টীয়ক কলিয়াপানীৰ ৰুচিয়া বেগম আৰু টীয়ক কলিয়াপানীৰ অজিফা বেগম ।
ইফালে, ট্ৰেক্টৰখনৰ চালক হালোৱাটিং বাগানৰ তনুজ গুৱালা আৰু টেম্পো চালক উত্তম বৰুৱাও দুৰ্ঘটনাত গুৰুতৰভাৱে আহত হৈছে । দুৰ্ঘটনাৰ পিচতে আমগুৰি আৰক্ষীয়ে আহত লোকসকলক ততাতৈয়াকৈ আমগুৰি চিকিৎসালয়লৈ প্ৰেৰণ কৰে । পৰৱৰ্তী সময়ত তেওঁলোকক উন্নত চিকিৎসাৰ বাবে যোৰহাটলৈ প্ৰেৰণ কৰা হয় ।
লগতে পঢ়ক:ডিব্ৰুগড় আৰক্ষী চাউনিত আলফা নেতা জীৱন মৰাণ
