গৰু চুৰি আৰু নিকৃষ্ট চোৰৰ বৰ্বৰ কাণ্ড !

যোৱা নিশা প্ৰশান্ত হাজৰিকা নামৰ এজন লোকৰ ঘৰৰ গোহালিৰ পৰা এজনী গাভিনী গাই গৰু চোৰ কৰি নিলে কোনো দুষ্কৃতিকিৰীয়ে ৷ অৱশ্যে চুৰি কৰিয়েই ক্ষান্ত নথকা দুষ্কৃতিকাৰীয়ে গো-হত্যা কৰি পেলাই থৈ যায় শৰীৰৰ অংশ ৷

শিৱসাগৰ,27 মে’: শিৱসাগৰৰ নাজিৰাত সংঘটিত হৈছে নিকৃষ্ট ঘটনা ৷ নমাতিত সংঘটিত এক গৰুচুৰিৰ ঘটনা আৰু চোৰৰ নিকৃষ্ট কাণ্ডই চকু কপালত তুলিছে সকলোৰে ৷ ঘটনা অনুসৰি যোৱা নিশা প্ৰশান্ত হাজৰিকা নামৰ এজন লোকৰ ঘৰৰ গোহালিৰ পৰা এজনী গাভিনী গাই গৰু চোৰ কৰি নিলে কোনো দুষ্কৃতিকিৰীয়ে । অৱশ্যে এই দুষ্কৃতিকাৰীয়ে চুৰি কাৰ্য সংঘটিত কৰিয়েই ক্ষান্ত নাথাকিল, চুৰি কৰি নিয়া গাইজনী গৃহস্থৰ ঘৰৰ কিছু নিলগতে কাটি পেটৰ পোৱালি আৰু ঠেং, মূৰ আদি পেলাই থৈ যায় ৷ এই ঘটনাই এতিয়া অঞ্চলটোত সৃষ্টি কৰিছে ব্যাপক প্ৰতিক্ৰিয়াৰ ৷ ইতিমধ্যে আৰক্ষীয়ে অৱশিষ্ট অংশ ঘটনাস্থলীৰ পৰা আঁতৰাই নি অনুসন্ধান অব্যাহত ৰাখিছে ৷