আমগুৰি, 10 মে' : লক্ ডাউনৰ বাবে বিধস্ত হৈছে ৰাজ্যৰ খেতিয়ক সকল ৷ দুমাহ যোৰা লক্ ডাউনৰ অন্তত ৰাজ্যৰ খেতিয়ক সকলৰ অৱস্থা বৰ্তমান পানীত হাঁহ নচৰা হৈছে ৷ একেদৰে শিৱসাগৰ জিলাৰ আমগুৰি সমষ্টিৰ বৰাহীবাৰী শেনচোৱা গাঁৱৰ ভোট জলকীয়া খেতিয়ক সকলৰ অৱস্থা বৰ্তমান পুতৌজনক ৷ উপযুক্ত বজাৰ লাভ নকৰাৰ বাবে খেতি পথাৰতে গেলি-পচি গৈছে কৃষকৰ উৎপাদিত শস্য ৷
অঞ্চলটোৰ বৰাহীবাৰী শেনচোৱা গাঁৱৰ মিন্টু বৰুৱা আৰু পবিত্ৰ বৰুৱাই প্ৰায় 1500 জোপা ভোট জলকীয়া খেতি কৰিছিল যদিও বজাৰৰ অভাৱত গছতে পকি সৰি গৈছে ভোট জলকীয়া ৷
দুয়োগৰাকী কৃষকে কৃষিৰ জৰিয়তে স্বাৱলম্বী হৈছিল যদিও পৰৱৰ্তী সময়ত লক্ ডাউনৰ বাবে তীব্ৰ আৰ্থিক সংকটত ভুগিব লগা হৈছে দুয়োগৰাকী কৃষক ৷ আনকি বৃহত্তৰ অঞ্চলটিত বহুকেইজন কৃষি বিষয়া থকাৰ পিচতো কোনো ধৰণৰ সহায়-সহযোগিতা নোপাৱাৰ অভিযোগ কৃষক দুগৰাকীৰ ৷ যাৰ বাবে কৃষি বিভাগৰ সহায় বিচাৰিছে কৃষক দুগৰাকীয়ে ৷
লগতে পঢ়ক : মাতৃ দিৱস বিশেষ : কোৱাৰেন্টাইন কেন্দ্ৰত কৰ্তব্যৰত মহিলাৰ মনৰ খবৰ !
