শিৱসাগৰৰ ৰাজপথত এটি খিলঞ্জীয়া পৰিয়াল

দখলীকৃত ভূমি উদ্ধাৰৰ দাবীত শিৱসাগৰৰ নগৰৰ জিলা উপায়ুক্ত কাৰ্যালয়ৰ সন্মুখত বুধবাৰে প্ৰতিবাদত বহিল আহোম মূলৰ এটি নিভাজ অসমীয়া পৰিয়াল

শিৱসাগৰ,31 জুলাইঃ শিৱসাগৰত থলুৱা লোকৰ ভূমি দখল বহিৰাগতৰ ৷ প্ৰশাসনৰ সহায় লাভ নকৰি ন্যায্য অধিকাৰৰ দাবীত ধৰ্মঘটত বহিল এটি খিলঞ্জীয়া পৰিয়াল ৷ উল্লেখ্য যে,দখলীকৃত ভূমি উদ্ধাৰৰ দাবীত শিৱসাগৰ নগৰৰ জিলা উপায়ুক্ত কাৰ্যালয়ৰ সন্মুখত বুধবাৰে প্ৰতিবাদত বহিল আহোম মূলৰ এটা অসমীয়া পৰিয়াল ৷ উপেন্দ্ৰ নাথ গগৈ নামৰ লোকজনৰ শিৱসাগৰ নগৰস্থিত 12 নং ৱাৰ্ডৰ হাস্পতাল ৰোডত থকা দুকঠা মাটি মনিষ দাস নামৰ ব্যক্তি গৰাকীয়ে দখল কৰি খিলঞ্জীয়া পৰিয়ালটোক দাবী-ধমকি,ভয়-ভীতি প্ৰদৰ্শন কৰা অভিযোগ উত্থাপন হৈছে ৷