আমগুৰি, 11 জুন : আমগুৰি আৰক্ষীৰ বৃহৎ সফলতা ৷ বৃহস্পতিবাৰে নিশা অভিযান চলাই আৰক্ষীয়ে জব্দ কৰে তিনিখনকৈ লালীগুড়ৰৰ বাহন ৷ জব্দ কৰা বাহনখনৰ নম্বৰ হৈছে AS 02 CC 5815, AS 02 CC 6094 আৰু AS 09 AC 8863 ৷
আমগুৰি আৰক্ষীৰ জালত অবৈধভাৱে সৰবৰাহ কৰা লালীগুড়ৰ বাহন
তিনিখনকৈ গাড়ীত ৩২০ টিং লালীগুড়ৰ জব্দ কৰিছে আৰক্ষীয়ে ৷ জব্দকৃত সামগ্ৰীখিনিৰ সৈতে আটক কৰিছে বাহনকেইখনৰ ড্ৰাইভাৰ, হেণ্ডিমেনসহ ৬ জনকৈ লোকক ৷ আটকাধীন লোককেইজন ক্ৰমে নজমুল হুছেইন, আমিৰউদ্দিন, ৰাহুল ইছলাম, ছাদ্দাম হুছেইন,জামিৰ আলী আৰু জেহিৰুল ইছলাম ৷
প্ৰাপ্ত তথ্য অনুসৰি, নগাঁৱৰ পৰা নাজিৰা আৰু সোনাৰীলৈ অনা হৈছিল বৃহৎ পৰিমাণৰ এই লালীগুড় খিনি ৷ ইতিমধ্যে আমগুৰি আৰক্ষীয়ে এই সন্দৰ্ভত অনুসন্ধান অব্যাহত ৰাখিছে ৷
লগতে পঢ়ক: নগাঁৱত জাল নোটৰ ভয়ংকৰ জাল বহিঃৰাজ্যৰ মহিলাৰ
