আমগুৰি, ৩১ ডিচেম্বৰ : ক'ৰণাসৃষ্ট পৰিৱেশৰ বাবে বিগত কেইবামাহো ধৰি বন্ধ হৈ আছিল ৰাজ্যৰ শিক্ষানুষ্ঠানসমূহ । শেহতীয়াকৈ শিক্ষামন্ত্ৰী ড০ হিমন্ত বিশ্ব শৰ্মাই নৱবৰ্ষৰ প্ৰথম দিনটোৰ পৰাই সকলো নিম্ন প্ৰাথমিক, উচ্চ প্ৰাথমিকৰ লগতে সকলো বিদ্যালয় খোলাৰ নিৰ্দেশ দিছে । এই নিৰ্দেশ অনুসৰি পুনৰ পূৰ্বৰ দৰে পাঠদান আৰম্ভ কৰিবলৈ সাজু হৈছে শিক্ষানুষ্ঠান কৰ্তৃপক্ষ ।
ৰাজ্যৰ আন প্ৰান্তৰ লগতে বৃহস্পতিবাৰে শিৱসাগৰৰ আমগুৰি সমষ্টিৰ হালোটিঙত আমগুৰি কৃষাণ মৰ্চাৰ উদ্যোগত অঞ্চলটোৰ বান্দৰীজান প্ৰাথমিক বিদ্যালয়কে ধৰি প্ৰায়বোৰ বিদ্যালয়তে চেনিটাইজেছনৰ ব্যৱস্থা কৰা হয় । শিক্ষানুষ্ঠানলৈ নিজৰ সন্তানক পঠিয়াবলৈ যাতে অভিভাৱকসকলে শংকিত নহয়, তাৰ বাবে বিদ্যালয়ৰ চৌহদ, শ্ৰেণীকোঠা সকলো চেনিটাইজ কৰা হয় ।
লগতে পঢ়ক:অসাৱধানতবশতঃ গুলিবিদ্ধ হৈ আঘাতপ্ৰাপ্ত দুই আৰক্ষী জোৱান
